दार्चुलाको मार्मा गाउँपालिकाका प्रशासकीय अधिकृत रोशन अधिकारीले आफ्नो दुर्गमबाट सरुवा गराउने उदेश्यले सरकारी निवासमै आगो लगाएको खुलेको छ । गत ५ चैतमा प्रहरीले उनलाई पक्राउ गरेको थियो ।
बिज्ञापन
अधिकारीले फागुन २४ गते राती आफुमाथी आक्रमणको प्रयास भएको भन्दै र आफ्नो निवासमा आगो लगाएर नजिकै रहेको इलाका प्रहरी कार्यालय लटिनाथमा पुगेका थिए ।प्रमुख प्रशासकीय अधिकृत माथी नै आक्रमणको प्रयास भएको भन्दै उक्त घट्नाको चौतर्फी बिरोध समैत भएको थियो ।
बिज्ञापन
घट्ना लगत्तै २५ गते जिल्ला प्रहरी कार्यालयबाट प्रहरी निरीक्षकको नेतृत्वमा अनुसन्धान टाेली घटनास्थलमा पुगेर लगातार ४ दिनसम्म अनुसन्धान गरि फर्किएको थियो । अधिकारी शुक्रबार डेढ लाख धरौटीमा छुटेका छन् । उनीपिरुद्ध आपराधिक उपद्रह मुद्दा दायर भएको थियो।
अधिकृतको तालिम सकिएपछि पहिलो पोष्टिङका रुपमा उनको गत भदौमा मार्मा सरुवा भएको थियो । वैदेशिक रोजगारसम्बन्धि छात्रवृत्तिमा उनले स्नातकोत्तर गर्ने अवसर पाएका थिए । त्यसका लागि उनले काठमाडौं सरुवा मागे । तर, संघीय मामिला तथा सामान्य प्रशासन मन्त्रालयले सरुवा गरेन । गाउँपालिकाले पनि सरुवाका लागि सहमति नदिदा उनी समस्यामा परे ।
बिज्ञापन
काठमाडौं घर भएका अधिकारी दार्चुलाको पनि सदरमुकामबाट आठ घन्टा टाढाको गाउँमा बस्न सकेनन् । त्यसपछि उनले सरकारी निवासमा आफैं तोडफोड गरी आगजनी गरे । गाउँपालिका बाट स्थानीय दर्ता नभई संचालन गरिएका क्रसर उद्योग र अवैध मदिरा विक्रिवितरण बन्द गर्नेबारे फागुन २४ गते प्रमुख प्रशासकीय अधिकृतले पत्राचार आधारमा उनि माथी आक्रमणको प्रयास गरिएको भन्दै गलत प्रचार गरिएको थियो । तर प्रमुख प्रशासकीय अधिकृत अधिकारी आफैले घट्ना गराएको भेटिएपछि प्रहरीले उनलाई पक्राउ गरेको छ ।
