बिज्ञापन

बिज्ञापन

झविलाल भट्टराई यस्ता हाकिम हुन,जस्को काँधमा दुईवटा पालिका मर्चवारी र कोटहीमाई गाउँपालिकाको प्रमुख प्रशासकीय अधिकृतको जिम्मेवारी दिइएको छ । यस अघि उनी कार्यरत थिए समरीमाई गाउँपालिका। सो पालिकाको प्रमुख प्रशासकीय अधिकृतको कुर्सीमा राकेश चौधरी छन् तर उनी डमीमात्र हुन भन्छन्,त्यहाँका कर्मचारीहरु नै । सबै काम उनै भट्टराईकै इशारामा काम हुने बताइन्छ ।

सरकारी कर्मचारी कामै गर्दैनन् भन्ने प्रचलन छ तर झविलाललाई सबैतिर भ्याइनभ्याइ छ । समरीमाईको पनि योजना, कार्यक्रम आन्तरिक रूपमा उनै भट्टराईले हेर्दै आएको कर्मचारीहरु बताउँछन् । झविलाल मर्चवारी र कोटहीमाईको हाकिम हुनुपहिले समरीमाईमा थिए । यसरी तीनवटै पालिकामा झविलाल दिनहुँ बुटवलबाट अपडाउन गर्छन् । मर्चवारबाट बुटवल करिब ३५ किमि टाढा छ । तेल खर्चको हिसाब भने कसैले राख्दैन ।

झविलाल स्थानीय सेवाग्राहीको काम गर्नुपरेमा एउटा मान्छे दुई ठाउँम कसरी भ्याउने भन्दै झर्किने गर्छन् ।मन्त्रालयमा कुरा त भइरहेको छ अर्को मान्छे पठाउने भनेर, खै कहिले आउँछन् !’ पालिका पदाधिकारी भन्छन् । मर्चवारीको तीनवटै पालिकाका उपाध्यक्ष उनको शैली अत्यन्तै अव्यावहारिक र अपारदर्शी रहेको बताउँछन् ।

संघीय मामिला तथा सामान्य प्रशासन मन्त्रालयले समयमै हाकिम खटन–पटन नगर्दा देशका अन्य पालिकामा पनि समस्या बल्झिँदै गएको छ । प्रमुख प्रशासकीय अधिकृत पालिका नजिकै बस्ने, स्थानीय जनताका कामलाई समयमै अगाडि बढाउने गरी खटिनुपर्छ । कानुनतः उनको हस्ताक्षरबिना कुनै काम हुँदैन, कुनै भुक्तानी हँुदैन । यसैले टुरिस्ट हाकिम राखेर पालिकाको कामको प्रगति खोज्नु आकाशको फल आँखा तरी मर भनेझैं हो ।