दार्चुलाको मार्मा गाउँपालिकाका प्रमुख प्रशासकीय अधिकृत रोशन अधिकारी पक्राउ परेका छन् ।सरकारी निवासमा आफैले आगजनी गरेको अभियोगमा प्रमुख प्रशासकीय अधिकृत अधिकारी पक्राउ परेका हुन् ।
बिज्ञापन
फागुन २४ गते सुतिरहेको अवस्थामा शक्रबार राति अज्ञात समूहले ढुंगामुढा र आगजनी भएको थियो । सुरुमा अज्ञात समूहबाट गरिएको भनिए पनि प्रहरी अनुसन्धानबाट प्रमुख प्रशासकीय अधिकृत आफैले आगजनी गरेको खुलेको छ ।
बिज्ञापन
प्रमुख प्रशासकीय अधिकृत रोशन अधिकारी आफैले आगजनीको घटना गराएको निस्कर्षमा प्रहरी पुगेको छ ।घटनाको गहिरो अध्ययन गरेपछि प्रमुख प्रशासकीय अधिकृत स्वयंले घटना गराएको तथ्य खुलेपछि प्रहरीको मुद्दाको प्रक्रिया अघि बढाएको हो ।
गोरखा जिल्लाको गण्डकी गाउँपालिका वडा नम्बर १ घर भई हाल काठमाण्डौं जिल्लाको नागार्जुन नगरपालिका वडा नम्बर १ रानीवनमा बसोवास गर्ने अधिकारी २०८० भदौंदेखि मार्मा गाउँपालिकाको प्रमुख प्रशासकीय अधिकृतको जिम्मेवारीमा छन् । २६ वर्षिय अधिकारीले किन आगजनीको घटना गराए भन्नेबारे सबैकुरा खुल्न सकेको छैन । प्रहरीले घटनाको अनुसन्धान गर्नेकार्य जारी रहेको बताएको छ ।
