सुन तस्करी प्रकरणमा लहरो तान्दा पहरो थर्किएको छ । सुन तस्करी जाँचबुझ आयोगले यो प्रकरणमा जोडिएका उच्च पदस्थ कर्मचारी र प्रहरीहरुमध्ये केहीको जिम्मेवारी खोसेको छ भने केहीलाई उच्च निगरानीमा राखेको छ । सुन तस्करीबारे छानबिन गर्न बनेको उच्च अदालतका पूर्वन्यायाधीश डिल्लीराज आचार्य संयोजकत्वको जाँचबुझ आयोगले हालै सार्वजनिक गरेको ४७५ लामो पृष्टको प्रतिवेदनमा लमजुङका प्रमुख जिल्ला अधिकारी उमाकान्त अधिकारी,विथ ल्यावका मालिक भीमकान्त भण्डारी,पूर्व सभामुख कृष्णबहादुर महरा छोरा निर्मल लगायतलाई निगरानीमा राख्न भनेको छ ।

प्रतिवेदनमा सिआइबी प्रमुख किरण बज्राचार्यलाई कारवाहीको सिफारिस गरेकोमा हिजैको क्याविनेटले हेर्डक्वार्टरमा तानिसकेको छ । यस्तै अनुसन्धानकर्ता एसपी सञ्जयसिंह थापा, नुवाकोटका जिल्ला प्रहरी प्रमुख सञ्जयसिंह थापा,उनको जिम्मेवारी खोसिएको छ । डीएसपीसहित नेपाल प्रहरीका ४ जनालाई कारवाहीको सिफारिस गरिएको छ । डीएसपी दाहाल र कुँवरलाई पनि प्रहरी प्रधान कार्यालय तानिसकिएको छ ।