मेयरका ड्राइभरले नेपाल प्रहरीमाथि हातपात गर्दा दुईजना हवलदार र जवान घाइते भएका छन्। दार्चुलाको शैलेशिखर नगरपालिकाका मेयर विजय सिंह धामीका ड्राइभर सुरेश बिष्टले गोकुलेमा कार्यरत प्रहरी हवल्दार मेघराज बिक र प्रहरी जवान नरेन्द्र बोहरामाथि हातपात गरेका हुन् ।
बिज्ञापन
ड्राइभर बिष्टको कुटाइबाट हवल्दार बिकको छातीमा चोट लागेको छ भने प्रहरी जवानको हात भाँचिएको छ। उनीहरुलाई नियन्त्रणमा लिई जिल्ला प्रहरी कार्यालय दार्चुलामा पठाइएको जिल्ला प्रहरीले जानकारी दिएको छ।
बिज्ञापन
मङ्गलबार गोकुलेको मेलामा तीन चार जनाले गाँजा खाएर लफडा गरेको भन्ने सूचनाका आधारमा इलाका प्रहरी कार्यालय गोकुलेमा कार्यरत उनीहरू चेकजाँच गर्न जाँदा घटना घटेको हो । प्रहरी स्रोतका अनुसार ‘प्रहरीको टोलीले उनीहरूमाथि चेक जाँच गर्दा ड्राइभर बिष्टले आफ्नो भाइ भएको भन्दै छोडिदिन प्रहरीलाई धम्की दिएका थिए तर, हवल्दार विकले चेक गर्न नछाडेपछि उनीमाथि कुटपिट गरेका हुन्।’
बिज्ञापन
