दार्चुलाको शैल्यशिखर नगरपालिका पारिवारिक क्लब बन्न पुगेको छ । जहाँ मेयर बुवा,छोरा प्रमुख प्रशासकीय अधिकृत र इञ्जिनियर भतिजो रहेको विवरण हालै सार्वजनिक भएको छ ।
बिज्ञापन
सोही नगरपालिका ५ का अध्यक्ष जनकसिंह डाँगाले नगरकार्यपालिकाका आर्थिक प्रशासन शाखा प्रमुख (लेखापाल) विजय बिष्टलाई मार्ने धम्की दिएसँगै यस्तो रोचक विवरण भेटिएको हो ।
बिज्ञापन
त्यहाँका स्थानीय तथा पालिकाकै कर्मचारीहरुले दिएको विवरण अनुसार,त्यहाँ पालिकाका अध्यक्षमा एमालेका नेता विजय सिंह धामी मेयरको कुर्सीमा छन् । सोही पालिकाको प्रमुख प्रशासकीय अधिकृतमा उनकै छोरा कार्यरत छन् । प्रमुख प्रशासकीय अधिकृतको रुपमा पुष्करसिंह धामी कार्यरत रहेका छन् ।
यस्तै नगरप्रमुखका भतिजा योगेश सिंह धामी पालिकाको इन्जिनियरका रुपमा काम गरिरहेका छन् ।
पालिकाका कर्मचारीहरुका अनुसार, धामीको दरबन्दी दार्चुलाकै नौगाड गाउँपालिकामा छ । तर शैल्यशिखरमा प्रमुख प्रसाशकीय अधिकृत बिहिन भएपछि उनका बुबा तथा मेयर पुष्करले छोरालाई प्रमुख प्रशासकीय अधिकृतको रुपमा पालिकामा भित्र्याएका हुन ।
बिज्ञापन
