निमित्त प्रमुख प्रशासकीय अधिकृतको राज हटाउने भनेर संघीय मामिला तथा सामान्य प्रशासन मन्त्रालयले जति खोके पनि र कार्यदल बनाए पनि कार्यन्वयनमा उस्तै ताल देखिन्छ । कुनै समय तीन सय भन्दा बढीको संख्यामा निमित्त प्रमुख प्रशासकीय अधिकृतको राज रहेकोमा अझैं साढे दुई सय भन्दा बढी स्थानीय तह निमित्तकै भरमा चलिरहेको छ ।
बिज्ञापन
संघीयता कार्यन्वयन पछि भन्न थालियो सिंहदरबारको अधिकार गाउँ गाउँमा । तर यर्थाथ चाहिँ सिंहदरबारभित्रको भ्रष्टचार चाहिँ गाउँ गाउँमा पुग्न थालेको छ । महालेखा परीक्षक कार्यालयको तथ्यांकलाई आधार मान्ने हो भने अहिले सबैभन्दा बढी विकृती र भ्रष्टाचार कहिँ छ भने स्थानीय तहमा ।
बिज्ञापन
केन्द्रले खटाएका प्रशासकीय अधिकृतलाई अनेकन नाममा लखेट्ने र निमित्त दिएर लुट्ने धन्दा अहिले स्थानीय तहमा चलिरहेको छ । सामान्य प्रशासनकै तथ्यांक अनुसार अहिले मुलुकभरका एक तिहाई अर्थात २४६ पालिका निमित्तकै भरमा चलिरहेका छन् । जसमा सबैभन्दा धेरै नगरपालिकामा निमित्तको राज छ ।
संघीय मामिला तथा सामान्य प्रशासन मन्त्रालयका अनुसार उपसचिव प्रमुख प्रशासकीय अधिकृत भएर खटिनुपर्ने १२६ नगरपालिकामा अधिकृत हाकिम छन्,ती पनि कोही शिक्षा,कोही लेखातिरका । यस्तै १११ गाउँपालिकामा निमित्तकै शासन चलिरहेको छ भने सहसचिवको दरबन्दी रहेको ९ वटा उपमहानगरपालिकाको हाल उस्तै छ ।
निमित्तको खेतीपाती सबैभन्दा बढी मधेश प्रदेशमा बढी देखिन्छ । मधेशका तीन उपमहानगरपालिकामा उपसचिव, ७३ नगरपालिका मध्ये ५५ मा शाखा अधिकृत र ५९ गाउँपालिकामध्ये २० वटामा सुब्बाले निमित्त हाकिम छन् ।
बिज्ञापन
यी स्थानीय तहमा कतै आयुर्वेदको कविराजले निमित्त चलाइरहेका छन् त कतै शिक्षा र स्वास्थ्यका कर्मचारीलाई निमित्तको जिम्मेवारी दिइएको भेटिन्छ ।
