उपप्रधान तथा स्वास्थ्य मन्त्रीमा उपेन्द्र यादव नियुक्त भएका छन् । राष्ट्रपति निवास शीतल निवासबाट शपथ लिएर भर्खरै रामशाहपथमा आई स्वास्थ्यमन्त्रीको पदभार ग्रहण गरेका हुन् ।
यादवले जिम्मेवारी सम्हालेसँगै प्रचण्ड नेतृत्वको सरकारमा उपप्रधान मन्त्रीको संख्या चार जना पुगेका छन् भने उपप्रधानमन्त्रीमा सबैभन्दा तल उपेन्द्रलाई राखिएको छ ।    अहिले भौतिक पूर्वाधार मन्त्री रघुवीर महासेठ,परराष्ट्रमन्त्री नारायणकाजी श्रेष्ठ, र उपप्रधानमन्त्री तथा गृहमन्त्री रवि लामिछाने चोथौं मर्यादाक्रममा छन् भने मर्यादाक्रमको पाँचौ स्थानमा उपेन्द्र यादव छन् ।

बिज्ञापन

मर्यादाक्रमकै बिषयमा कुरा नमिल्दा उपेन्द्र यादवको सत्तारोहण यात्रा ढिलाई भएको थियो । उपेन्द्रले मन्त्रीहरुको वरियतामा आफूलाई रघुवीर महासेठभन्दा आफूलाई माथि रहनुपर्ने अडान लिएका थिए । तर ओली सकरात्मक थिएनन्,उक्त माग प्रति । उपेन्द्रले मन्त्रीहरुको वरियतामा आफूलाई दोश्रो स्थान अर्थात रघुवीर महासेठभन्दा माथिरहनु पर्ने माग राख्दै आएका थिए तर अहिले उनलाई रवि लामिछानेभन्दा पनि तल अर्थात पाँचौ नम्बरमा राखिएको छ ।उपेन्द्र यादव ०६५ सालमै उपप्रधानमन्त्री तथा परराष्ट्रमन्त्री थिए । त्यसपछि उनी २०७४ सालमा एमाले अध्यक्ष केपी शर्मा ओली प्रधानमन्त्री भएका बेला यादव उपप्रधानमन्त्री तथा स्वास्थ्यमन्त्रीको जिम्मेवारी सम्हालिसकेका हुन ।