दार्चुलाको मार्मा गाउँपालिकाका प्रमुख प्रशासकीय अधिकृत रोशन अधिकारी सुतिरहेको सरकारी निवासमा राति ढुंगामुढा र आगजनी घटनाप्रति नेपाल निजामती कर्मचारी युनियनले आपत्ती प्रकट गरेको छ ।
बिज्ञापन
कर्मचारी युनियनका महासचिव जनक बहादुर रावलले शुक्रबार विज्ञप्ति जारी गरी उक्त घटनाप्रति निन्दा तथा भर्त्सना गरेका हुन् ।
बिज्ञापन
“जनताको सबैभन्दा नजिकको सरकारको रुपमा रहेका स्थानीय तहमा कार्यरत राष्ट्रसेवक कर्मचारीमाथि भएको आक्रमणको हामी घोर निन्दा एवम् भ्रत्सना गर्दै यस अवान्छित कार्यमा संलग्न व्यक्तिको पहिचान गरी हदैसम्मको कारवाही गर्न जोडदार माग गर्दछौं” विज्ञप्तिमा उल्लेख गरिएको छ ।
जिल्ला प्रहरी कार्यालय दार्चुलाका अनुसार अज्ञात समूहले बिहीबार राति पौने २ बजेतिर प्रमुख प्रशासकीय अधिकृत अधिकारी बस्ने सरकारी निवासमा आगजनी भएको हो।
बिज्ञापन
ढुंगाले झ्यालका सिसा फुटेका छन्। निवासमा रहेका पर्दा, किताब, बेडमा क्षति पुगेको छ। प्रमुख प्रशासकीय अधिकृत रोशन अधिकारी भने शकुसल रहेको प्रहरीले जनाएको छ। घटनापछि अधिकारीले राति भागेर प्रहरीलाई जानकारी दिएका थिए।
