रामशाह पथमा रमाइलो संयोग जुरेको छ,सेवा हदका कारण सचिव घर जानु र मन्त्रीको पदबहाली पनि सोही समयमा हुनु !

बिज्ञापन

मुख्य सचिवको प्रवल दावेदारको रुपमा हेरिएकी देवकुमारी गुरागाई आगामी २६ गतेबाट अनिवार्य अवकाशमा जाँदैछिन् । निजामती सेवामा एकै पटक,एकै परिवारका दाजु र बहिनी नै सचिव पदमा पुगेर रेकर्ड तोड्न सफल भएकी गुरागाईलाई आज बसेको मन्त्रिपरिषद्को बैठकले बिदाई गर्ने निर्णय गरेको हो ।

बिज्ञापन

गुरागाई पाँच बर्ष अघि सचिव पदमा बढुवा भएकी थिइन,उनी सेवा हदका कारण घर जान लागेकी हुन । ०७५ फागुन २६ गते नेपाल सरकारको सचिवमा बढुवा भएकी गुरागाईंले यो अवधिमा प्रधानमन्त्री तथा मन्त्रिपरिषद्को कार्यालय, लोकसेवा आयोग हुँदै स्वास्थ्य तथा जनसंख्या मन्त्रालयमा सचिवको जिम्मेवारी सम्हाल्न पुगेकी थिइन ।

यता स्वास्थ्य तथा जनसंख्या मन्त्रीको जिम्मेवारी उपेन्द्र यादवले पाउने भएका छन् । जसपाका अध्यक्ष समेत रहेका यादवलाई उपप्रधानसहित स्वास्थ्य मन्त्रालयको जिम्मेवारी दिन लागिएको हो । यसअघि नेकपा एमालेले स्वास्थ्य मन्त्री लिने तयारीसहित पदम गिरीलाई सरकारमा पठाएको थियो । तर उपेन्द्रलाई पनि समेट्नु पर्ने बाध्यताका कारण पदमलाई कानुनमा सारिएको थियो ।