पछिल्लो समय नेपाली राजनीतिमा परिवारवाद हाबी भएको देखिन्छ। यस अघि एकै घरका श्रीमान श्रीमती पालै पालो मन्त्री बनेर रेकर्ड राखेका हुन रघुविर महासेठले । महासेठमात्र होइन आलो पालो श्रीमान श्रीमती नै मन्त्री बन्नेमा रामबहादुर थापा–नैनकला थापा,शेरबहादुर तामाङ–उषाकला राई,अनिल झा डिम्पल झा,सत्या पहाडी शक्ति बस्नेत,वर्षमान पुन–ओनसरी घर्तीहरुको नाम अग्रपक्तिंमा आउँछ । यी त एउटै पार्टीमा रहेर लाभका पदमा पुगेकाहरु हुन ।अलग अलग पार्टीमा हुँदा पनि यस्तो संयोग जुरेको छ,यस पटक । प्रचण्डको अघिल्लो क्याविनेटमा ससुरा मन्त्री थिए । उनी मन्त्री पदबाट हटे लगतै उनका ज्वाई मन्त्रीका रुपमा पहिलो पटक सिंहदरबार भित्रिने अवसर पाएका छन् । यस्तै अघिल्लो पटक प्रचण्डकै क्याविनेटमा बैंकरलाई मन्त्री बनाइएको थियो उनी मन्त्रीबाट हटे लगतै उनका भिनाजुले उपप्रधान सहितका भौतिक मन्त्रालय पाएका छन्,त्यो पनि क्याविनेटमा दोश्रो मर्यादाक्रममा रहनेगरी ।
बिज्ञापन
तर राजनीतिमा कहिलेकाही अनौठा संयोग पनि जुर्छन । अघिल्लो पटक प्रचण्डको क्याविनेटमा ससुरा मन्त्री थिए । १९ पटक मन्त्री बनेर रेकर्ड कायम गरेका शरदसिंह भण्डारी विदेशमै हुँदा उनको मन्त्री पद गुमिसकेको थियो । राजनीतिमा नयाँ समीकरण बनेसँगै एमाले,माओवादी,रास्वपा,एकीकृत समाजवादीका २० मन्त्री बनेका छन् । जसमा उनकै ज्वाई विराजभक्त श्रेष्ठ पहिलो पटक मन्त्री बन्ने अवसर पाएका छन् ।
बिज्ञापन
उता यस अघि नै पालो पालो श्रीमान श्रीमती नै मन्त्री बन्ने सौभाग्य पाएका रबुवीर महासेठलाई यस पटक उपप्रधानसहित भौतिक पूर्वाधार मन्त्रालयको जिम्मेवारी दिइएको छ । ओली क्याविनेटमा भौतिक पूर्वाधार मन्त्री हुँदा उनैले राम्रो काम गर्न नसकेको आरोपसहित हटाएका रघुविर पुन एमालेबाट सरकारको नेतृत्व गर्दै क्याविनेटमा पुगेका छन् । यस अघि रबुविरलाई हटाउँदा जुलीकुमारी महतो महिला बालबालिका तथा समाज कल्याण मन्त्री बनाइएको थियो ।जसपाको कोटाबाट वन मन्त्री बनेका वीरेन्द्र महत्तो बैंकर समेत हुन । नाताले उनको भिनाजु हुन रघुविर महासेठ । जसै पूरानो गठबन्धन भत्किएर नयाँ गठबन्धन बन्यो । बीरेन्द्र मन्त्री पदबाट हटिसकेका छन् र क्याविनेटमा रघुविर भित्रिएका छन् । मन्त्रिपरिषद् विस्तार गरिँदा जसपाबाट मन्त्रीहरुको नाम पठाउन बाँकी छ ।ती पार्टीले शरद्सिह भण्डारी र वीरेन्द्रलाई नै दोह्रोएको खण्डमा एउटै क्याविनेटमा ज्वाई ससुरा,सालो भेना नै मन्त्री हुने अवसर जुट्नेछ ।
बिज्ञापन
