बढुवा सिफारिस समितिले शिक्षा सेवाका थप ६ अधिकृतहरुलाई उपसचिवमा बढुवाका लागि सिफारिस गरेको छ । समितिको हिजो बसेको बैठकले नेपाल शिक्षा सोव,शिक्षा प्रशासन समूहतर्फका ६ अधिकृतहरलाई कार्यक्षमता मूल्यांकनका आधारमा हुने बढुवाका लागि सिफारिस गरेको हो ।
बिज्ञापन
बढुवाका लागि सिफारिस भएका अधिकृतहरुमा तारानाथ निरौला,नृपध्वज मगर,दिनेश प्रसाद देवकोटा,तारा पाण्डे तिवारी, सूर्य बहादुर खत्री र प्रकाशबन्धु अर्याल रहेका छन् । कार्यसम्पादन मूल्यांकनमा उनीहरु सबैले शत प्रतिशत अंक पाएका छन् ।
बिज्ञापन
बिहिबारमात्र बढुवा सिफारिस समितिले थप ८ अधिकृतहरुलाई उपसचिवमा बढुवा सिफारिस गरेको थियो । समितिको बैठकले जेष्ठता र कार्यसम्पादन मूल्यांकनका आधारमा ६ र कार्यक्षमता मूल्यांकनका आधारमा हुने बढूवाका लागि तारापति खरेल,मोतिप्रसाद भट्टराई,हेमराज खतिवडा,युवराज अधिकारी,सुवर्ण कुमार खड्का र भिम प्रसाद पनेरु र नेपाल विविध सेवा,सूचना प्रविधि निर्देशकतर्फ कार्यसम्पादन मूल्यांकनका आधारमा क्षितिज भट्टराई र पदम बहादुर भण्डारीलाई बढुवाका लागि सिफारिस गरेको थियो ।
बिज्ञापन
