भौतिक पूर्वाधार तथा यातायात मन्त्रालयका सचिव केशवकुमार शर्माले आगामी आर्थिक वर्षका लागि दुई सय अर्व बजेट आवश्यक रहेको बताएका छन् । बिहिबार सांसदको प्रतिनिधि सभा अन्तर्गतको पूर्वाधार विकास समितिको बैठकमा सचिव शर्माले आगामी आर्थिक बर्ष ०८१/ ८२ का लागि २ सय अर्व बजेट चाहिने बताए । चालु आर्थिक बर्षको बजेट समेत घटाइएकोमा उनले समिति बैठकमा असन्तृष्टि पोखे ।

बिज्ञापन

आब ७९ ८० मा भौतिक पूर्वाधार मन्त्रालयले १ खर्ब ६५ अर्ब रुपैयाँ बजेट पाएकोमा चालु आर्थिक बर्षमा ३४ अर्ब बजेट घटाएर १ खर्ब ३१ अर्ब रुपैयाँ मात्र पाएकोप्रति उनले असन्तृष्टि जनाएका हुन । आगामी आब २०८१/ ८२ मा बजेटको सिलिङ नबढाएमा नयाँ विकास निर्माणको योजना ल्याउन नसकिने बताएका छन्। आगामी आर्थिक बर्षका लागि भौतिक पूर्वाधार तथा यातायात मन्त्रालयलाई १२४ अर्बको सिलिङ आएको बताए।