प्रहरीले सिंहदरबारको फुटपाथमा हिँड्न पनि निषेध गरेको छ ।
विभिन्न जिल्लाबाट हिँडेर आएका लघुवित्तका ऋणी तथा मिटरव्याजपीडित हिजो संसद भवन परिसरमा छिरेसँगै आज प्रहरी तैनाथी बढाइएको हो ।
बिज्ञापन
लघुवित्तका ऋणीहरुको समूह सोमबार नयाँ बानेश्वरस्थित संसद् भवन प्रवेश गरेपछि सिंहदरबार र बानेश्वर वरपरका फुटपाथमा पनि हिँड्न रोक लगाइएको हो ।फुटपाथमा हिँड्न नपाएपछि सर्वसाधारणले सडकबाटै हिँडेका छन् ।
बिज्ञापन
आज सिंहदरबार, प्रधानमन्त्री निवास बालुवाटार र नयाँ बानेश्वरस्थित संसद भवन परिसरमा फुटपाथमा समेत हिँड्डुलमा रोक लगाइएको छ । डोरी टाँगेर बटुवालाई समेत हिँड्न दिइएको छैन । संसद भवनभित्र लघुवित्तका ऋणी र मिटरब्याजपीडित प्रवेश गरेको विषयलाई लिएर ड्युटीमा खटिएका प्रहरी अधिकृतमाथि कारवाही गर्न खोजिएपछि अहिले सुरक्षा निकायभित्रै असन्तुष्टि प्रकट भएको छ ।
बिज्ञापन
