न्याय सेवा आयोगले सहसचिव,उपसचिव र शाखा अधिकृत तहका कर्मचारीहरुको सरुवा तथा पदस्थापनका लागि सिफारिस गरेको छ ।
आयोगको आज बसेको बैठकले कानुन समूहका पाँच,सरकारी वकिल समूहका २ राजपत्रांकित प्रथम श्रेणीका कर्मचारीहरुको सरुवा प्रस्ताव गरेको हो । सरुवा प्रस्ताव गरिएका सहसचिवहरुमा निर्मला अधिकारीलाई प्रधानमन्त्री तथा मन्त्रिपरिषद्को कार्यालय,धर्मराज कुइकेल र दलबहादुर अधिकारीलाई कानु्न,न्याय तथा संसदीय मामिला मन्त्रालय, किशोर चौधरीलाई राष्ट्रपतिको कार्यालयमा सरुवा प्रस्ताव गरिएको छ । यस्तै,विनोद भट्टराईलाई मुख्यमन्त्रीको कार्यालय बाग्मती प्रदेशबाट कोशीमा सरुवा प्रस्ताव गरिएको छ ।
सरकारी वकिल तर्फका कृष्णराज पन्तलाई उच्च सरकारी वकिल कार्यालय जुम्ला र गोविन्द खड्कालाई महान्यायधिवक्ताको कार्यालयमा तानिएको छ ।

यता न्याय सेवाका ७,कानुन सेवाका ४३ र सरकारी वकिल समूहका ११ गरी ६१ उपसचिव,५८ शाखा अधिकृत सरुवाका लागि सिफारिस गरिएको छ । आयोगले ७ सहसचिव, ४५ उपसचिवको पदस्थापन गर्ने निर्णय गरेको छ ।