प्रधानमन्त्री कार्यालयमा १४ सहसचिव बरण्डामा छन् । सामान्य प्रशासनबाट बढुवा सिफारिस भएर आएका २७ सहसचिवको प्रमाणीकरण हुन सकेको छैन महिना दिनदेखि । आठ महिना बढी भयो संघीय निजामती सेवा विद्येयक प्रधानमन्त्री कार्यालयको घर्रामा थन्किएको । निजामती प्रशासन निकम्मा भयो, म निजामती कर्मचारी हुँ भन्दा लाज र पीडा हुने स्थिति बन्दैछ र मुख्यसचिवमाथि अभिभावक बन्न नसेखाएका बैकुण्ठ अर्याल निजामती कर्मचारीको अभिभावक नसेकेको आरोप लाग्दैछ ।
बिज्ञापन
उपसचिवबाट उक्लिएर सहसचिव बनेका २७ कर्मचारीको सूची सामान्य प्रशासनबाट प्रधानमन्त्री तथा मन्त्रिपरिषद्को कार्यालयमा पठाएको तीन साता बढी भयो तर मुख्यसचिव बैकुण्ठ अर्यालले प्रमाणीकरण नगरिदिँदा उनीहरुको पदस्थापन अड्किरहेको छ । २७ सहसचिवलाई पदस्थापन गर्न ठूलै सकस परिरहेको छ सरकारलाई । कारण उनीहरुलाई पदस्थापन गरिँदा पूराना सहसचिव चलाउनु पर्ने स्थिति छ । यसो हुँदा झण्डै ४५ सहसचिव यता उता हुने हुँदा आफ्ना मान्छे नहटाउनेदेखि आफ्नो मान्छे लैजानसम्म शक्तिकेन्द्रहरुको संघर्षको कारण महिना दिनसम्म पनि बढूवा भएका सहसचिवहरुको पदस्थापन हुन नसकेको ती कर्मचारीहरुको बुझाई छ ।
बिज्ञापन
