हुम्लाको अदानचुली गाउँपालिकाका अधिकृतसहित चार जनाले भ्रष्टाचार मुद्दामा सफाइ पाएका छन् । बर्ष दिन अघि अख्तियार दुरुपयोग अनुसन्धान आयोगले हुम्लाको अदानचुली गाउँपालिकाका कार्यकारी अधिकृत टकदत्त प्याकुरेलसहित चार जना विरुद्ध भ्रष्टाचार मुद्दा दायर गरेको थियो । अख्तियारले अदानचुली गाउँपालिकाका वडा नम्बर १ थलान्नादेखि कल्खेसम्म र वडा नम्बर ४ को लौठीदेखि रिल्म हुँदै बिगोठीसम्मको सडक निर्माणमा ठेकेदारले फिल्डमा गरेको वास्तविक कामभन्दा नापी किताबमा बढी काम देखाई,झुट्टा बिल बनाएर भुक्तानी गरेको आरोपमा उनीसहित ४ जनाविरुद्ध विशेष अदालतमा भ्रष्टाचार मुद्दा दायर गरेको हो ।
बिज्ञापन
फिल्डमा गरेको भन्दै धेरै देखाई भ्रष्टाचार अभियोग लागेका अधिकृत टकदत्त प्याकुरेल, इन्जिनियर मकरध्वज शाही र सबइन्जिनियर विनोद थापाविरुद्ध अख्तियारले २१ लाख ४७ हजार ४९२ रुपैयाँ ७३ पैसा मागदावी राख्दै मुद्धा चलाएकोमा ठेकदार गणेश भण्डारीसहित चारै जनालाई बिशेष अदालतले सफाइ दिएको छ ।
