काठमाण्डौ, ८ बैशाख – जसपा अध्यक्ष उपेन्द्र यादवले चुनाव जित्ने नाममा बारा २ मा निर्वाचन आचारसंहिताको धज्जी उडाएका छन् । जसपाका सांसददेखि प्रदेश सरकारका मुख्यमन्त्री र मन्त्रीसम्मले आचारसंहिताको उल्लंघन गर्दै चुनावी गतिविधि गरेका हुन् । सत्तामा रहेर खुलेयाम आचारसंहिताको धज्जी उडाउँदा पनि निर्वाचन आयोग मुकदर्शक भएर बसेको छ ।
बिज्ञापन
जिल्ला आचारसंहिता अनुगमन समिति यहाँको चलन यस्तै रहेछ भनेर चुप लागेर बसेको छ । उपेन्द्रलाई जिताउने नाममा सरकारी संयन्त्र नै निरिह बन्नेगरी कानुन र आचारसंहिताको धज्जी उडाएपछि मतदाता आक्रोशित बनेका छन् ।
बिज्ञापन
सरकारी संयन्त्र ब्यानर हटाउनेमा सीमित छ । चेतावनी दिने र स्पष्टीकरण सोध्ने तहमा हिम्मत गर्न सकेको छैन । जसका कारण उपेन्द्रले मनपरी गरिरहेका छन् ।
आचारसंहिताको उल्लंघन भइरहेको जानकारी भए पनि तराईमा यस्तै अभ्यास चलिआएको बाराका आचारसंहिता अनुगमन अधिकृत हरिकृष्ण बरालले बताए । उनले नियमनको पहल भइरहेको दाबी गरे । जसअन्तर्गतमा सडकमा रहेका तुल ब्यानर हटाइएको उनको भनाइ छ । रोचक कुरा के छ भने अनुगमन सरकारी अधिकारी फिल्डमा समेत जान डराएका छन् । उपेन्द्रले सारा सत्तालाई परिचालन गरेकाले सरकारी अधिकारीले हिम्मत गर्न नसकेको एक सुरक्षा अधिकारीले बताए । भीडभाड गर्न नहुने, भोजभतेर गर्न नहुने, ठूलो पोस्टर र ब्यानर लगाउन नहुने, मतदाता प्रभावित पार्न नहुने घटनाको विपरीत उपेन्द्रले चुनावी क्याम्पेन चलाएका छन् । आश्वासन बाँडिरहेका छन् । नेपालपाना
