संघीय सरकारका मन्त्रीहरुको सम्पत्ति विवरण सार्वजनिक गरिएको छ । सार्वजनिक विवरणमा सबैभन्दा धनी मन्त्री भौतिक पूर्वाधार तथा यातायातमन्त्री रघुवीर महासेठ देखिएका छन् ।
बिज्ञापन
मन्त्रीहरुको सम्पत्ति विवरणमा घरजग्गा, बैंक मौज्दात, सुनचाँदी, शेयर, गाडी र अन्य जायजेथाको विवरण छन् । धेरैजसो मन्त्रीहरुले सम्पत्ति स्वआर्जन नभई पैतृक भएको दाबी गरेका छन् ।
बिज्ञापन
नगद आयलाई तलब भनेका छन् भने सुनचाँदी उपचार र दाइजो भनेका छन् । तीनपटक प्रधानमन्त्री भइसकेका प्रचण्डले आफ्नो सम्पत्ति १४ कट्ठा जमिन र २५ लाख बैंक ब्यालेन्स भएको सम्पत्ति विवरण बुझाएका हुन्।
विवरणअनुसार चितवनको भरतपुर नगरपालिका– १४ मा १४ कट्ठा जमिन र एभरेष्ट बैंक काठमाडौंमा नगद २५ लाख छ। यो सम्पत्तिलाई उनले पैतृक सम्पत्तिका रूपमा उल्लेख गरेका छन्।
बिज्ञापन
सार्वजनिक विवरणमा सबैभन्दा धनी मन्त्री भौतिक पूर्वाधार तथा यातायातमन्त्री रघुवीर महासेठ देखिएका छन् । उनलाई राष्ट्रिय स्वतन्त्र पार्टीका सभापति एवं उपप्रधान एवं गृहमन्त्री रवि लामिछानेले पछ्याएका छन् ।
भौतिक पूर्वाधार तथा यातायातमन्त्री रघुवीर महासेठ केन्द्रीय मन्त्रीहरुमा सबैभन्दा धनी देखिएका छन् । उनको अधिकांश सम्पत्ति श्रीमती जुलीकुमारी महतोको नाममा रहेको विवरणमा खुलाइएको छ ।
श्रीमती जुलीकुमारी महतोको नाममा जनकपुर उपमहानगरपालिकामा ३ कठ्ठा, ललितपुरमा २ रोपनी १३ आना २ पैसा १ दाम जग्गा रहेको छ । यस्तै जुलीकुमारीकै नाममा धनुषामा ७ विघा ३ कठ्ठा, सिन्धुलीमा ४ कठ्ठा, ललितपुरमा १ रोपनी ७ आना, धनुषामा ३ कठ्ठा ११ धुर रहेको विवरणमा उल्लेख छ ।
रघुवीर महासेठकै नाममा भने जनकपुरमा १ विघा १५ कठ्ठा रहेको छ । यस्तै महासेठको बैंक ब्यालेन्स २ करोड २५ लाख रहेको छस जुन पैतृक सम्पत्ति बेचेर आर्जन गरेको भनिएको छ ।
यस्तै ४३ तोला सुन र १.५ केजी चाँदी रहेको छ । जुलीकुमारी महतोको नाममा फाइनान्स, लघुवित्त, बैंक गरी ३ करोड ५५ लाखको शेयर रहेको छ ।
उत्कृष्ट धनाढ्यमा गृहमन्त्री रवि लामिछाने परेका छन् । यद्यपि उनले अधिकांश सम्पत्ति श्रीमतीको नाममा भएको बताएका छन् । निकिताको नाममा बूढानीलकण्ठ- ८ मा एउटा घर छ । ५ आना क्षेत्रफलमा फैलिएको उक्त घर ३ करोड ५० लाख रुपैयाँमा चार वर्षअघि खरिद गरिएको विवरणमा उल्लेख छ । यो घरको लागि लिएको बैंक ऋण डेढ करोड रूपैयाँ चुक्ता गर्न बाँकी रहेको विवरणमा उल्लेख छ ।
निकिताले गोपीकृष्ण इन्टरनेसनल सञ्चालन, भाडा, नारी टीभी र ब्राण्ड इन्डोर्समेन्टबाट गरेको कमाइले घर किनेको जनाइएको छ । रवि लामिछानेको आफ्नै नाममा भक्तपुरमा १ रोपनी १ आना जग्गा पैतृक सम्पत्तिको रुपमा रहेको छ ।
यस्तै निकिताको शेयर रहेको गोपीकृष्ण प्रालिको नाममा काठमाडौं- ७ मा १० रोपनी जग्गा पारिवारिक सगोलको रुपमा रहेको छ । १० रोपनी ८ आनाको २५ प्रतिशत शेयर निकिताले पाउनेछिन् ।
निकितासँग ८० तोला सुनका गरगहना रहेको सम्पत्ति विवरणमा उल्लेख छ । अधिकांश सुन आमाबाबुबाट पाएको तथा केही खरिद गरेको विवरणमा उल्लेख छ । यस्तै चाँदीका भाँडाकुँडा १५-२० केजी छन् । रविको ग्लोबल आईएमई र नेपाल बैंकको खातामा १ लाख १० हजार रुपैयाँ छ । निकिताको नेपाल बैंकको खातामा ५ लाख रूपैयाँ छ । गोपीकृष्ण सेन्ट्रल कम्प्लेक्समा निकिताको ८ लाख ७५ हजार कित्ता शेयर छ, जसको मूल्य ८ करोड ७५ लाख हुन आउँछ ।
श्रम तथा रोजगारमन्त्री डीपी अर्याल तेस्रो धनाढ्य ठहरिएका छन् । उनले बुझाएको सम्पत्ति विवरणमा १५० तोला सुन, १०० तोला चाँदी र १० तोला हिरा रहेको उल्लेख छ । २०७४ सालअघि सुन ८२ लाख २० हजारमा खरिद गरेको भनिएको छ ।
यस्तै मन्त्री अर्याल र उनकी श्रीमती अम्बिका केसीसँग २ करोड बढी नगद बैंक तथा सहकारीमा रहेको देखिन्छ । अर्यालको जनसागर सहकारीमा १ करोड ५० लाख, प्राइम बैंकमा १३ लाख, मेगा बैंकमा १ लाख र राष्ट्रिय वाणिज्य बैंकमा ४ लाख नगद जम्मा रहेको छ ।
