राष्ट्रिय सहकारी विकास बोर्डमा कर्मचारीकै मिलेमतोमा अनियमिततामाथि भेटिएपछि भूमि व्यवस्था, सहकारी तथा गरिबी निवारण मन्त्रालयले विस्तृत छानबिन गरेको छ । कर्मचारीकै मिलेमतोमा व्यापारीहरूले बोर्डका सम्पत्ति न्यून भाडामा प्रयोग गर्दै आएको भेटिएको हो । प्रारम्भिक छानबिनमा कर्मचारीको भूमिका शंकास्पद देखिएपछि मन्त्रालयले विस्तृत अध्ययन गरेको थियो ।
बिज्ञापन
छानबिन समितिले लगनखेलमा रहेको भवन लिजमा लगाउँदा भएको अनियमितताका सम्बन्धमा छानबिन गर्दा कर्मचारीहरुले श्रृखलावद्ध अनियमितता गरेको भेटिएको हो । बोर्डले २ वैशाख ०७८ मा बोर्डले प्रतीक ढकालसँग मासिक सात लाख १८ हजार पाँच सय रुपैयाँ भाडा तिर्ने गरी लिज सम्झौता गरेको थियो उक्त सम्झौता कार्यान्वयन हुन नसक्दा बोर्डले करोडौँ नोक्सान व्यहोरेको निष्कर्ष छानबिन समितिले निकालेको हो । ललितपुरको लगनखेलमा बसपार्कसँगैको ६ रोपनी १२ आना जग्गामा बोर्डको भवन छ । सोही जग्गामा बनेको भवन व्यापारी र बोर्डका कर्मचारी मिलेमतोमा ढकाललाई फाइदा हुने गरी कामकाज गरेको भेटिएको हो ।
बिज्ञापन
बोर्डमा कर्मचारीले शृंखलाबद्ध रूपमा अनियमितता गरेको उजुरीपछि मन्त्रालयले सहसचिव ज्ञानराज सुवेदीको नेतृत्वमा छानबिन गरेको थियो ।
बिज्ञापन
