सरकारले अर्काे एक अधिकृतलाई निजामती सेवाबाट बर्खास्ती गर्ने गृहकार्य अघि बढाएको छ । विदेशी पिआर होल्डर एक अधिकृतलाई भूमि व्यवस्था, सहकारी, संघीय मामिला तथा सामान्य प्रशासन मन्त्रालयले सरकारी सेवाबाट बर्खास्त गर्ने तयारी गरेको हो ।

बिज्ञापन

मन्त्रालयले हिजै एक सूचना प्रकाशित गर्दै नापी विभागअन्तर्गत कार्यरत नापी अधिकृत आभाष जोशीलाई ३० दिनभित्र स्पष्टीकरण पेश गर्न निर्देशन दिएको हो। सूचनाअनुसार जोशीले बिदा स्वीकृत नगराई आफू पदस्थापन रहेको कार्यालयमा अनुपस्थित रही विदेशी मुलुकको स्थायी आवासीय अनुमति लिएको तथा निजामती सेवा ऐन, २०४९ र निजामती सेवा नियमावली, २०५० को व्यवस्था विपरीत कार्य गरेको मन्त्रालयले जनाएको छ ।