बिज्ञापन

बिज्ञापन

प्रतिवेदन अनुसार,विराटनगरको बेरुजु ० दशमलव ३२ प्रतिशत रहेको छ भने पोखराको बेरुजु ३ दशमलव ७४ प्रतिशत रहेको प्रतिवेदनमा उल्लेख गरिएको छ ।

विराटनगर महानगरको गत आर्थिक वर्ष २०८० ८१ मा ६ अर्ब ४४ करोड ७६ लाख रुपैयाँको लेखा परीक्षण भएको थियो । जसमध्ये २ करोड ८ लाख ५७ हजार बेरुजु देखिएको प्रतिवेदनमा उल्लेख छ ।

यस्तै पोखरा महानगरको १३ अर्ब ४६ करोड ७२ लाख लेखा परीक्षण गरिएकोमा ५० करोड ४३ लाख रुपैयाँ बेरुजु देखिएको हो । महानगरमध्ये दोस्रोमा ललितपुर महानगरको कम बेरुजु छ । ललितपुरको बेरुजु ० दशमलव ५२ प्रतिशत अर्थात् १० अर्ब ६८ करोड ९७ लाख लेखा परीक्षण गर्दा ५ करोड ५५ लाख बेरुजु लेखिएको छ ।

महालेखाले भरतपुर महानगरपालिकामा ११ अर्ब १३ करोड ३ लाख रुपैयाँको लेखा परीक्षण गर्दा १० करोड २ लाख अर्थात् ० दशमलव ९० प्रतिशत बेरुजु कायम गरेको छ भने काठमाडौं महानगरपालिकामा २७ अर्ब ५२ करोड ४४ लाख रुपैयाँको लेखा परीक्षण गर्दा ६८ करोड २ लाख बेरुजु देखिएको हो ।

जुन २ दशमलव ४७ प्रतिशत हो भने पर्सास्थित वीरगञ्ज महानगरपालिकामा ६ अर्ब २८ करोड १६ लाख लेखा परीक्षण गर्दा ३ दशमलव ६२ प्रतिशत अर्थात् २२ करोड ७५ लाख बेरुजु देखिएको छ ।