अन्तत गभर्नर नियुक्ति प्रक्रियामा नयाँ ट्विस्ट आएको छ ।पहिलो प्लान अन्तर्गत उक्त समूहले अवकाश प्राप्त मुख्य सचिव राजेन्द्र किशोर क्षेत्रीलाई अगाडि सारेको थियो । सोही अनुसार गत फागुन २७ मा मापदण्डै संशोधन गरिएको थियो । उक्त प्लान असफल भएपछि अब विचौलिया समूह प्लान बीमा प्रवेश गरेको छ ।

सो समूहले यस अघि चर्चामा रहेका वैकर,डेपुटी गभर्नरहरुलाई पछि पार्दै विचौलियाहरुको समूहले नयाँ व्यक्तिलाई अगाडि सारेपछि गभर्नर पर्दा बाहिर र चर्चामा नरहेका पात्र गभर्नर नियुक्ति हुने सम्भवना बढेको थियो तर चौतर्फी आलोचना बढेपछि सो समूह प्लान बी मा प्रवेश गरेको छ । यस अघि उक्त समूहले  साढे तीन महिना मुख्य सचिव चलाएका राजेन्द्र क्षत्रीलाई विचौलिया समूहले बोकेसँगै गभर्नर नियुक्ति प्रक्रिया नयाँ मोडमा पुगेको थियो । राजेन्द्र प्रवेश अघि गभर्नर नियुक्ति हुने लाइनमा चर्चामा रहेका पात्र थिए,नविल बैंकका सिइओ ज्ञानेन्द्र ढुङ्गनाका काका- भतिजी । झापाली,पहिलो महिला,एमाले नाता लगाउँदै निलमलाई गभर्नर बनाइने चर्चा थियो । अर्काे पात्र वमबहादुर मिश्रले सभामुखमार्फत लविइङ्ग गरिरहेको चर्चा छ । यस्का अलवा केही निजी बैंकका सिइओ,राष्ट्र बैंकका कार्यकारीजस्ता व्यक्तिहरुलाई पछि नेपाल पार्दै बिचौलिया समूहले पूर्व मुख्यसचिव राजेन्द्रकिशोर क्षेत्रीको नाम लिएर चलखेल सुरु गरेको थियो भने सोही अनुसार उनैलाई फिट गराउनकै लागि  मापदण्डै हेरफेर गरिसकेको छ ।

यस अघि विचौलिया दीपक भट्टकै प्रभावमा धितोपत्र बोर्ड, वीमा प्राधिकर,नेप्सेसम्म विचौलियाका ‘एस म्यान’हरु फिट भइसकेका छन् । गभर्नरका लागि राष्ट्रबैंकमै कार्यरत गुणाकर भट्ट, निलम ढुंगाना, प्रकाश श्रेष्ठका अलावा अशोक शेरचन, ज्ञानेन्द्र ढुंगानाहरु पनि दौडमा रहेका भए पनि ज्ञानेन्द्र रेसबाट आउट भइसकेको स्रोतको दावी छ । डलरे अर्वपति विनोद चौधरीले बैंकबाट हटाउने योजना अनुसार गभर्नरको ललिपप देखाएर उनलाई बैंकबाट हटाइएको भन्नेहरु छन् ।

यस अघि विचौलियाको इन्ट्रेस्ट अनुसार ६६ बर्षीय पूर्व मुख्यसचिव राजेन्द्रबहादुर क्षेत्रीलाई गभर्नर बनाउनका लागि मापदण्डै संशोधन गरिएको हो । क्षेत्रीलाई गभर्नर बनाउन बिचौलिया दीपक भट्ट र जगदम्बा स्टीलका सुलभ अग्रवालहरुले चलखेल गरिरहेको स्रोतको दावा छ । कानुन समूहबाट निजामती सेवामा प्रवेश गरेका क्षेत्री प्रशासनमा सिफ्टमात्र भएनन् । विचौलियाकै इच्छा अनुसार मुख्य सचिवसम्म भए । ०७४ असार २९ मा ३ महिने मुख्य सचिव नियुक्ति भएका क्षेत्रीलाई मुख्य सचिव बनाउनकै लागि कार्यकाल बाँकी हुँदै डा. सोमलाल सुवेदीलाई राजीनामा दिन लगाई एशियाली विकास बैंकको बैकल्पिक निर्देशकमा नियुक्त गरी मनिला पठाइएको थियो । बरिष्ठताका आधारमा धनबहादुर तामाङ मुख्यसचिव हुन्थे । यस अघि उर्जा सचिव हुँदा विचौलिया दीपक भट्टका इशारा अनुसार काम गरेका उनै क्षेत्रीलाई गभर्नर बनाउने चलखेल भइरहेको हो ।

पछिल्लो समय बैंक, वीमा, सेयर बजारमा कब्जा जमाएको बिचौलिया भट्ट–अग्रवाल समूहले कब्जा जमाउँदै आएको छ । यही समूहका एस म्यानलाई नेपाल राष्ट्रबैंकको नेतृत्वमा लैजाने तयारी भएको हो । उनैलाई गभर्नर बनाउनका लागि अर्थ मन्त्रालय सम्बद्ध सार्वजनिक निकायका पदाधिकारी र सदस्यको नियुक्ति र मनोनयन सम्बन्धी मापदण्ड २०७३’ को दोस्रो संशोधन मार्फत उमेरको अधिकतम र न्यूनतम हद सम्बन्धी व्यवस्था नै हटाइएको छ। योसँगै ६५ वर्ष नाघेका व्यक्ति पनि राष्ट्र ब्यांकको गभर्नर हुने बाटो खुला भएको छ। यसअघि मापदण्डको दफा ३ को नियुक्तिका लागि योग्यता अन्तर्गत उपदफा ‘ग’ मा उमेर सम्बन्धी व्यवस्था तोक्दै मन्त्रालय अन्तर्गतका सार्वजनिक निकायमा कार्यकारी प्रमुख नियुक्तिका लागि कम्तीमा ३० वर्ष उमेर पुगेको र अधिकतम ६५ वर्ष पूरा नभएको हुनुपर्ने प्रावधान राखिएको थियो। हालै गरिएको संशोधनमा त्यो बुँदा नै हटाइएको छ। मापदण्डको संशोधनलाई नेपाल सरकारले गत फागुन २७ मा स्वीकृत भएको छ । उता उनै वृद्ध राजेन्द्रकिशोर क्षत्रीको नाममा चर्काे आलोचना भए पछि विचौलियाहरुको समूहले ‘प्लान बी’ बनाउन सक्रिय भएको बताइन्छ ।

उक्त प्लान अनुसार,निलमलाई गभर्नर बनाउने,गुणाकरलाई उनको ठाउँमा ११ महिने डेपुटी बनाउने गरी प्रस्ताव अगाडि लैजान खोजिएको छ ।

गभर्नर नियुक्तिका लागि काँग्रेसका तर्फबाट रविन्द्र पाण्डे र गुणाकर भट्ट एमालेले डा प्रकाशकुमार श्रेष्ठ र डेपुटी गभर्नर निलम ढुंगानाको नाममा अगाडि सार्ने तयारी गरेका छन् । मन्त्रिपरिषद्ले चैत १८ गते अर्थमन्त्री विष्णु पौडेल संयोजक रहने गरी पूर्व गभर्नर विजयनाथ भट्टराई र अर्थविद् विश्व पौडेललाई सिफारिस समिति सदस्यमा नियुक्त गरेको थियो। सो सिफारिस समितिले पहिलो बैठकसमेत राख्न सकेको छैन। यही किचलोका कारण गभनर नियुक्ति सिफारिस समितिको एउटै बैठक बस्न सकेको छैन ।