नेपाल पत्रकार महासंघको नेतृत्वका लागि सत्तारुढ दल नेपाली काँग्रेस र नेकपा एमाले निकटका पत्रकारहरु र विपक्षी गठबन्धनले अलगअलग प्यानल तयार पारेका छन् ।
सत्तारुढ दलको तर्फबाट महासंघको नेतृत्वका लागि अध्यक्षमा निर्मला शर्मालाई अगाडि सारिएको छ । उनी यस अघिको निवर्जाचनमा पनि मैदानमा अगाडि सारेर पारजय भोगेकी थिएन । यस पटक एमालेको तर्फबाट उनैलाई मैदानमा अगाडि सारिएको छ । यस्तै चौतारीले महिला उपाध्यक्षमा नितु पण्डित, आदिवासी जनजाति सचिवमा सविन प्रियासन चौधरी, कोषाध्यक्षमा रामकृष्ण ज्ञवाली र लेखा आयोग संयोजकमा केसी लामिछानेलाई मैदानमा अगाडि सारेको छ ।
बिज्ञापन
नेपाली काँग्रेस निकट प्रेस युनियनबाट महासंघको नेतृत्व लिनका लागि बरिष्ठ उपाध्यक्षमा दीपक आचार्य, समावेशी उपाध्यक्षमा उमिद बागचन्द, महासचिवमा रामप्रसाद दाहाललाई अगाडि सारिएको छ । यस्तै रमेश खतिवडा (खुला), सोनी शर्मा (महिला), प्रकाश धौलाकोटी (दलित), बैकुण्ठ पराजुली (एशोसियट) र अशोक तिवारी (मधेशी) कोटामा उमेद्धारी दिएका छन्
उता सत्तारुढ दल निकट युनिनयन र चौतारीको प्यानलविरुद्ध विपक्षी पत्रकार संगठनहरुको पनि प्यानल बनेको छ । पत्रकारका ६ वटा संगठनहरूले यही मंसिर २८ गते हुने नेपाल पत्रकार महासंघको निर्वाचनमा प्रेस सेन्टर, नेपालका वरिष्ठ उपाध्यक्ष कमल गिरीको नेतृत्वमा संयुक्त प्यानल खडा गरेका हुन ।
बिज्ञापन
गिरीलाई समाजवादी प्रेस संगठन, क्रान्तिकारी प्रेस संगठन, जनपत्रकार संगठन, प्रगतिशील पत्रकार संगठन र प्रेस मञ्चको समर्थन रहेको छ । सो प्यानलबाट वरिष्ठ उपाध्यक्षमा रोशन पुरी, महिला उपाध्यक्षमा गंगा बराल र समावेशी उपाध्यक्षमा सुवास साहको उम्मेदवारी परेको छ । यस्तै महासचिवमा लेखनाथ न्यौपाने उम्मेदवारी दिएका छन् । सचिवहरुमा उत्तर बिष्ट (खुला), सिर्जन झा (मधेशी), सरिता बराईली (दलित), भीषण राई (आदिवासी जनजाति) र विकास कार्की (एशोसियट),कोषाध्यक्षमा रामकृष्ण अधिकारी र लेखा समिति संयोजकमा ध्रुब रावलको उम्मेदवारी परेको छ ।
