अख्तियार दुरुपयोग अनुसन्धान आयोगले एक जना शाखा अधिकृत,दुई निर्माण कम्पनीविरुद्ध भ्रष्टाचार मुद्धा दायर गरेको छ ।
बिज्ञापन
आयोगले दैलेखको गुराँस गाउँपालिकाका तत्कालीन प्रमुख प्रशासकीय अधिकृत दीपक कुमार आचार्य सहित दुई जना र आर.के. कन्स्ट्रक्सन विरुद्ध सार्वजनिक सम्पत्ति हानि नोक्सानी गरेको आरोपसहित भ्रष्टाचार मुद्दा दायर गरेको हो ।
बिज्ञापन
गाउँपालिका अन्तर्गतको कर्णाली नदी र लोहरेखोला क्षेत्रबाट ढुङ्गा, बालुवा तथा गिट्टी उत्खननको ठेक्कामा २२ लाख ४४ हजार ५०० रुपैयाँ राजस्व हिनामिना गरेको आरोपमा अख्तियारले दायर गरेको आरोपपत्रमा उल्लेख छ । आयोगका अनुसार ०७८/ ७९ को ठेक्कामा प्रमुख प्रशासकीय अधिकृत आचार्य र आरके कन्स्ट्रक्सनका सञ्चालक कार्कीबीचको मिलेमतोमा बैंक ग्यारेन्टी नलिई र नियमअनुसार बुझाउनुपर्ने मूल्य अभिवृद्धि कर (भ्याट) समेत दाखिला नगरी सम्झौता गरिएको पृष्टि भएसँगै उनीहरुसँग जनही २२ लाख ४४ हजार ५०० रुपैयाँ बिगो दाबी गर्दै भ्रष्टाचार निवारण ऐन, २०५९ बमोजिम बिगो अनुसारको जरिवाना र कैद सजायको मागदाबी गरेको छ।
बिज्ञापन
