संघीय मामिला तथा सामान्य प्रशासन मन्त्रालयले स्थानीय तहमा निमित्तको राज अन्त्य गर्ने प्रयास गरेको छ । नयाँ सरकार आउनु अगाडि देशभरका ७५३ स्थानीय तहमध्ये १७४ पालिका निमित्तको भरमा चलिरहेको थियो । जसमा १ महानगर,६ उपमहानगर,९० नगरपालिका,७८ वटा गाउँपालिकामा निमित्तकै भरमा चलिरहेको थियो । नयाँ सरकार आएसँगै प्रमुख प्रशासकीय अधिकृतविहिन रहेका ६ उपमहानगरपालिकामध्ये ४ मा सहसचिवलाई प्रमुख प्रशासकीय अधिकृतको जिम्मेवारी दिएर खटाइएको छ भने ९० वटा नगरपालिका निमित्तको भरमा चलिरहेकामध्ये मन्त्रायले एकै पटक ६३ जना उपसचिवहरुको सरुवा गरेको छ । सरुवाको सूची अनुसार,१३ जना उपसचिवलाई जिल्ला समन्वय समितिमा खटाइएको छ भने १ जना उपसचिवलाई भूमि व्यवस्था मन्त्रालयमा पठाइएको छ यस्तै ४९ जनालाई प्रमुख प्रशासकीय अधिकृतको जिम्मेवारीसहित नगरपालिकामा खटाइएको छ ।यो हिसाबले अझैं ४१ वटा उपमहानगरपालिका निमित्तकै भरमा छन् ।
बिज्ञापन
यस्तै मन्त्रालयले विहिबारमात्र ७८ जना शाखा अधिकृतहरुलाई स्थानीय तहको प्रमुख प्रशासकीय अधिकृत बनाएर खटाएको छ । मन्त्रालयले लामो समयदेखि सिंहदरबारमा रजगज गर्दै आएका ५७ जना शाखा अधिकृत,बढुवाको मुखमा रहेर यस अघि नगरपालिका चलाउने जिम्मेवारी पाएका २१ अधिकृतलाई गाउँपालिकामा खटाएर पहिलो पटक गाउँपालिकामा निमित्तको राज अन्त्य गरेको छ । मन्त्रालयका अनुसार २ बर्षभन्दा बढी सिंहदरबारस्थित मन्त्रालय,कार्यालय,आयोगहरुमा बसिरहेका,कहिल्यै स्थानीय तहमा बसेर काम नगरेका र उनीहरुको घर पायक पर्ने गरी शाखा अधिकृतहरुलाई प्रमुख प्रशासकीय अधिकृतको जिम्मेवारी दिएर स्थानीय तहमा खटाइएको मन्त्रालयले जनाएको छ । यस्तै यस अघि बढुवाको मुखमा रहेका शाखा अधिकृतहरुलाई नगरपालिकाको प्रमुख प्रशासकीय अधिकृत बनाएर खटाइएकामध्ये २१ जनालाई गाउँपालिकामै खटाइएको छ ।
बिज्ञापन
सरुवाको सूची अनुसार,गृह मन्त्रालयबाट प्रेमश शिवालाई सिदिङ्वा गाउँपालिकाको प्रमुख प्रशासकीय अधिकृतको जिम्मेवारी दिएर खटाइएको छ । यस्तै,भूमि मन्त्रालयबाट विदुर अधिकारीलाई मेरिङदेन गाँउपालिका,सामान्यको अतिरिक्त समूहमा रहेका टसी शेर्पालाई मैवाखोला गाउँपालिका,भूमिबाट तेजनाथ पोखरेल पाथिभरा याङबरक गाउँपालिकामा पुगेका छन् । यस्तै,भूमिबाटै कुलप्रसाद पराजुलीलाई तुम्बेवा गाउँपालिका,गृहबाट प्रदीप राईलाई रामप्रसाद राई गाउँपालिकामा खटाइएको सामान्यले जनाएको छ ।
यता,श्रम मन्त्रालयबाट कैलाश न्यौपानेलाई भोटेखोला गाउँपालिका,उद्योगबाट सन्तोष श्रेष्ठलाई माप्य दूधकोशी गाउँपालिका,गृहबाट रमण खड्कालाई महाकुलुङ गाउँपालिका,भूमिका रमेश पौडेललाई सोताङ गाउँपालिकामा पठाइएको छ । यस्तै,शिक्षाबाट अर्जुन राईलाई साकेला गाउँपालिकामा पठाइएको छ । भूमिबाट विष्णुकुमार महत्तलाई दोरम्बा सैलुङ,उद्योगबाट नविन गिरीलाई विलुङ गाउँपालिका,श्रमबाट महेशकृष्ण श्रेष्ठलाई खानीखोला गाउँपालिकामा पठाइएको छ । यस्तै श्रमबाट चक्रबहादुर श्रेष्ठ चौरीदेउरालीमा पुग्दा,सामान्यबाट लेखनाथ भट्टराईलाई भुम्लु,शेखरनिधि पौड्याललाई तारकेश्वर,उद्योगबाट विकास शर्मा आबुखैरनी गाउँपालिका पुगेका छन् ।
यस्तै,गृहबाट जयप्रकाश गौतम हरिनास गाउँपालिका,सामान्यबाट गंगबहादुर थापालाई रुपा गाउँपालिकामा खटाइएको छ ।
बिज्ञापन
सामान्यबाटै गोविन्द केसी र हरिप्रसाद पौडेललाई क्रमश पाल्हीनन्दन र सत्यवती गाउँपालिका,श्रमबाट विक्रम शर्मालाई शुद्धोधन गाउँपालिका,सञ्चारबाट गणेश गौतमलाई माडीमा पठाइएको छ । गृहबाट यामबहादुर बूढा मगरलाई गंगादेव,शोभाराम रिजाललाई राजपुर,भूमिबाट विक्रम गिरीलाई डुडुवा, गृहबाट चुणामणि केसीलाई कुमाखमा खटाइएको छ ।
यस्तै मन्त्रालयबाट स्थानीय तहमा पुगेका शाखा अधिकृतहरुमा श्रमबाट भक्त पाण्डे जगदुल्ला,भूमिबाट श्यामकृष्ण आचार्यलाई डोल्पाको मुड्केचुलामा पठाइएको छ । भूमिबाटै श्याम गैह्रेलाई छार्का,गृहबाट जालान्धर भुसाललाई हिमा,मिनराज थापालाई तिलामा खटाइएको छ । उर्जाबाट हेमराज चापागाई पातारासी,श्रमबाट ध्रुराज भट्टराईलाई शुभकालिकामा खटाइएको छ ।
यस्तै सञ्चारबाट मार्किस दोरंगा मुगुमा पठाइएको छ भने श्रमबाट कुशल वराल सोरु,उद्योगबाट रमेश सिंह भण्डारी स्वामीकार्तिक,हेमन्त चुनारालाई श्रमबाट जगन्नाथ गाउँपालिका,भूमिबाट कृष्ण पौड्याललाई चौरुपाटीमा पठाइएको छ । यसरी सामान्यले गाउँपालिकामा निमित्तको राज अन्त्य गरेको छ । अझैं ४१ नगरपालिका र १ उपमहानगरपालिकामा प्रमुख प्रशासकीय अधिकृत खटाउन बाँकी छ ।
