राष्ट्रिय स्वतन्त्र पार्टी (रास्वपा)का पार्टी सभापति रवि लामिछाने र बरिष्ठ नेता वालेन शाह मन्त्रिपरिषद्लाई पूर्णरूप दिन अन्तिम गृहकार्यमा जुटेका छन् ।
बिज्ञापन
बिहीबार रास्वपा कार्यालय वनस्थलीमा बसेको बैठकले विधान संशोधन गरी संसदीय दलको नेतामा बालेन्द्र शाहलाई चयन गरेको छ । वालेन शाहले भोलि मध्यान्ह प्रधानमन्त्रीको शपथ लिँदैछन् । भोलि नै मन्त्रिपरिषद्लाई पूर्णता दिने तयारी स्वरुप अहिले काठमाडौँको बुढानिलकण्ठस्थित सभापति रवि लामिछानेको निवासमा दुई नेताहरू मन्त्रीको टुङ्गो लगाउन छलफलमा जुटेका हुन् ।
बिज्ञापन
मन्त्रीहरु छनौंट गर्नका लागि रास्वपा सभापति लामिछाने र वरिष्ठ नेता बालेन मन्त्रीको नाम टुंग्याउन छलफलमा जुटेका छन् । सांसदका लागि उम्मेदवार चयन गर्ने क्रममा रवि र बालेन पक्षले ६०–४० को भागबन्डा गरेका थिए । मन्त्रीमा उनीहरूले सोही अनुपातमा मन्त्रालय लिने बुझिएको छ ।
रास्वपाले बढीमा १८ सदस्यीय मन्त्रिपरिषद् गठन गर्ने भनेको छ । प्रधानमन्त्रीमा बालेन र अर्थमन्त्रीका रुपमा पार्टी उपसभापति डा स्वर्णिम वाग्लेको नाम टुगिएको छ । रास्वपा स्रोतका अनुसार,गृहमन्त्रीमा वालेन शाहले सुनिल लम्साललाई ल्याउन चाहेका भए पनि रवि लामिछानेले डिपी अर्याललाई लैजान चाहेका छन् । यी दुईबीचको लफडा हुँदा सुधन गुरुङले बाजी मार्न सक्ने आँकलन गरिँदैछ ।
रास्वपाभित्र नयाँ मन्त्रीका रुपमा शिशिर खनाल,सोबिता गौतम,सुनिल लम्साल,,इन्दिरा रानामगर,अमरेशकुमार सिंह,सस्मित पोखरेल,दीपक बोहरा,बब्लु गुप्ता पनि छनौट हुनसक्ने जनाइएको छ । प्रतिनिधि सभाको सभामुखमा प्रतिभा रावलको नाम चयन गरिने सम्भावना उत्तिकै छ ।
बिज्ञापन
