अख्तियार दुरुपयोग अनुसन्धान आयोगले अधिकृतस्तरका एक कर्मचारी र अर्काे लेखापढी व्यवसायीविरुद्ध भ्रष्टाचार मुद्धा दायर गरेको छ ।
अख्तियारले यातायात व्यवस्था कार्यालय, हेटौँडाका अधिकृत (छैटौँ) अमृत भेटुवाल र लेखापढी व्यवसायी विचौलिया खगेन्द्र पौडेलविरुद्ध सेवाग्राहीसँग घुस अर्थात रिसवत लिएको आरोपमा बिहिवार विशेष अदालतमा मुद्धा दायर गरेको हो ।
बिज्ञापन
अनुसन्धानका क्रममा आयोगको हेटौंडा कार्यालयबाट खटिएको टोलीले बिचौलिया लेखापढी व्यवसायी खगेन्द्र पौडेलले सेवाग्राहीबाट ११ हजार ५ सय रुपैयाँ घुस लिइसकेको अवस्थामा दुवै जनालाई पक्राउ गरेको थियो ।अधिकृत भेटुवाल र बिचौलिया पौडेलको आपसी मिलेमतो र पूर्वयोजनामै घुस लेनदेन भएको पुष्टि भएको अख्तियारले जनाएको छ। आयोगले दुवै जनालाई भ्रष्टाचार निवारण ऐन, २०५९ बमोजिम ११ हजार ५ सय रुपैयाँ नै बिगो कायम गरी सोही बराबरको जरिवाना र कैद सजायको मागदाबी गरेको अख्तियारले जनाएको छ ।
बिज्ञापन
