सप्तरीको बलान बिहुल गाउँपालिका अध्यक्ष खेमचन्द्र यादवले बिहीबार कार्यालय समयमा छड्के अनुगमन गर्दा २५ जना कर्मचारी कार्यालयमा अनुपस्थित भेटिएका छन् ।
कर्मचारीहरु समयमा नआउने र कार्यालयमा समेत नभेटिने गरेको गुनासो बढेपछि अध्यक्ष यादवले आन्तरिक अनुमगन गर्दा निमित्त प्रमुख प्रशासकीय अधिकृतसहितका २५ कर्मचारी छड्केमा परेका हुन ।
अध्यक्ष यादवका अनुसार अनुगमनका क्रममा ६० जना कर्मचारीमध्ये निमित्त प्रमुख प्रशासकीय अधिकृत सकलदेव मण्डलसहित २५ जना कर्मचारी त्यो बेलासम्म गैरहाजिर रहेको पाइएको थियो ।
बिज्ञापन
बिहान साढे १० बजे कार्यालय पुगेर छड्के अनुगमन गर्दा त्यो बेलासम्म २५ जना कर्मचारी कार्यालयमा उपस्थित नै नभएको भेटिएको हो । सेवाग्राहीबाट कार्यालय समयमा कर्मचारी उपस्थित नहुने समस्या रहेको गुनासो आउन थालेपछि छड्के गरिदा ६० मध्ये झण्डै आधा कर्मचारी समयमा अनुपस्थित भएको नपाइएपछि उनीहरुको विहिबारको हाजिरीमा रातो लगाइएको पालिका अध्यक्ष यादवले जनाएका छन् ।
बिज्ञापन
