पाँच महिना अगाडि पुर्नवीमा कम्पनीको अध्यक्षको जिम्मेवारी पाएका सुरेन्द्र कुमार पौडेल भ्रष्टाचार मुद्धा लागेर निलम्बनमा परेसँगै पुर्नवीमा कम्पनीको अध्यक्षको जिम्मेवारी अर्थका सहसचिव अमृत लम्साललाई दिइएको छ । नेपाल पुनर्बीमा कम्पनी लिमिटेडको संचालक समितिका अध्यक्ष अमृत लम्सालले पद तथा गोपनीयताको शपथ ग्रहण गरेका छन् । नेपाल बीमा प्राधिकरणका अध्यक्ष चन्द्रकला पौडेलद्वारा लम्सालले शुक्रबार प्राधिकरणको केन्द्रीय कार्यालय, कुपण्डोलमा पद तथा गोपनीयताको शपथ ग्रहण गरेका हुन् ।
बिज्ञापन
भन्सार विभागका उपमहानिर्देशक रहेका लम्साललाई अर्को व्यवस्था नभएसम्मका लागि सरकारले नेपाल पुनर्बीमा कम्पनीको संचालक समितिको अध्यक्ष तोकेको हो । शपथ ग्रहण कार्यक्रममा नेपाल बीमा प्राधिकरणका कार्यकारी निर्देशक सुशील देव सुवेदी, नेपाल पुनर्बीमा कम्पनीका प्रमुख कार्यकारी अधिकृतलगायत पदाधिकारीहरूको उपस्थिति रहेको थियो।
बिज्ञापन
यस अघि नेपाल पुनर्बिमा कम्पनी लिमिटेडका अध्यक्ष सुरेन्द्रकुमार पौडेल जिम्मेवारीमा थिए । उनीविरुद्ध भ्रष्टाचारसम्बन्धी मुद्दा दायर भएसँगै स्वत निलम्बनमा परेसँगै त्यहाँ लम्साललाई नियुक्त गरिएको हो । पौडेललाई २० भदौ २०८२ भदौ २० मा तत्कालीन अर्थमन्त्री विष्णु पौडेलले नेपाल पुनर्बिमा कम्पनीको अध्यक्षमा चार वर्षका लागि नियुक्त गरेका थिए।
बिज्ञापन
