पहिलो चरणमा विविध विदा र औषधोपचार सुविधा लिएका झण्डै ८ हजार कर्मचारीको शुद्धीकरण गरिने
बिज्ञापन
राष्ट्रिय निजामती किताबखानाले कर्मचारीको सूचना तथा अभिलेख शुद्धीकरण अभियानमा साथ दिन सम्बन्धित सबैमा आग्रह गरेको छ । विभागले आज एक सूचना जारी गर्दै कर्मचारीसँग सम्बन्धित केही विवरण भए त्यस्ता विवरण विमागमा इमेल गर्न तथा ह्वासटपमा पठाउन आह्वान गरेको हो ।
बिज्ञापन
कर्मचारी सूचना बैंकको रुपमा रहेको राष्ट्रिय निजामती कितावखानाले केही समयदेखि शुद्धीकरण अभियान सञ्चालन गर्दै आएको छ । यस अघि कर्मचारीको एकीकृत तथ्यांक समेत गञ्जागोलपूर्ण अवस्थामा थियो । निजामती कितावखानाको महानिर्देशकको कुर्सीमा श्रवण कुमार पोखरेल पुगेसँगै विभागलाई पुर्नजीवन दिने,चलायमान बनाउने काम तिव्रतादिने काम भइरहेको छ । सोही विभागको रियल टाइम डाटा अननुसार ८५ हजार ४२८ कर्मचारी कार्यरत रहेका छ्न । यस्तै अवकासमा गएका कर्मचारीको संख्या ७० हजार ९५५ रहेको किताबखानाको अभिलेखमा उल्लेख छ ।
सोही किताबखानाको विवरण अनुसार विविध विदा उपयोग गरिरहेका ७ हजार १९० जना कर्मचारी र औषधि उपचार वापत रकम लिइरहेका ६२२ कर्मचारीहरु रहेका छन् ।
बिज्ञापन
किताबखानाका अनुसार सात हजार १ सय ९० कर्मचारी अहिले बिदामा छन् । असाधारण, तलबी असाधारण, तलबी अध्ययन, बेतलबी अध्ययन र बेतलबी बिदा लिएका कर्मचारीहरुले उनीहरूको बिदाको प्रकार र दुरुपयोग भए–नभएबारे किताबखानाले अभिलेख शुद्धीकरणको काम अघि बढाएको हो । कतिपय कर्मचारीले बिदा सुविधाको दुरुपयोग गरेको गुनासो, अभिलेख प्रणाली चुस्त नहुँदा बिदाको दुरुपयोग गरेकालाई कारबाही गर्न समस्या परेको गुनासो आए पछि विभागले अभिलेख शुद्धीकरणका लागि टाक्सफोर्स नै बनाएको छ ।विविध विदा र औषधि उपचार सुविधा लिएका कर्मचारीहरुको एक- एक भौतिक फाइल परीक्षण गरिरहेका विभागले ती कर्मचारीहरुका सम्बन्धमा कुनै विवरण भए प्रमाणीत कागजातसहित इमेल गर्न वा ह्वाटसअपमा पठाउन किताबखानाले सूचना प्रकाशन गरेको छ ।
कर्मचारीसम्बद्ध बिभिन्न प्रकृतिका सूचनालाई शुद्व , बैध र विश्वासनीय (एक्टिभ,भ्यालिट र रिलाइएवल) तुल्याउन सूचना शुद्विकरण अभियान अर्थात डाटा क्यिलिरिङ तिब्र रुपमा सन्चालन भैरहेको महानिर्देशक श्रवण कुमार पोखरेलले जनाएका छन् । कर्मचारी सूचनाका १७ वटा मुख्य क्षेत्रमा भएका मिसम्याच पत्ता लगाई शुद्विकरण गरिने रणनीति अन्तर्गत पहिलो चरणमा यसरी विविध प्रकृतिका बिदा र औषधि उपचार सुबिधालाई फोकस गरिएको पोखरेलको भनाई छ ।
विविध प्रकृतिका बिदाको उपयोग गरिएको देखिएका ७ हजार १९० कर्मचारीको वैयक्तिक फाईल र औषधि उपचार सुबिधा लिइएको देखिएका ६ सय २२ कर्मचारीको फाइलको एक एक गरी अध्ययन भइरहेको किताबखानाले जनाएको छ । किताबखानाले यी दुवै प्रकृतिका कर्मचारीहरुको बिवरण बिभागको वेब साईटमा समेत राखेको छ । विभागले आज एक सूचना जारी गर्दै शुद्विकरण अभियानमा सहयोग पुर्याउन सरोकारवाला सवै कर्मचारीलाई अनुरोध गर्दै डेटिकेट इमेल र ह्वाटसप नम्बर समेत सार्वजनिक गरेको छ ।
यी र यस्ता कर्मचारीसँग सम्बन्धित केही सूचना भए ह्वाटसअप नम्बर ९८५१४०६३६७ अर्थात इमेल [email protected] मा पठाउन किताबखानाले सूचना प्रकाशन गरेको हो ।
