काठमाडौं — सरकारले विभिन्न सेवाका चार जना शाखा अधिकृतलाई उपसचिव पदमा बढुवा सिफारिस गरेको छ। संघीय मामिला तथा सामान्य प्रशासन मन्त्रालयले शुक्रबार सार्वजनिक गरेको सूचनाअनुसार रिक्त उपसचिव पदमा कार्यक्षमताको मूल्याङ्कनका आधारमा बढुवा अघि बढाइएको हो।
बिज्ञापन
बढुवा समितिको बिहीबार बसेको बैठकको निर्णयअनुसार नेपाल इन्जिनियरिङ सेवातर्फ जियोलोजी समूह (जनरल जियोलोजी उपसमूह) बाट एक जना, सर्भे समूहबाट दुई जना तथा नेपाल कृषि सेवा अन्तर्गत कृषि प्रसार समूहबाट एक जना शाखा अधिकृत उपसचिव पदका लागि सिफारिस भएका छन्।
बिज्ञापन
सिफारिस सूचीमा सौनक भण्डारी, रामकुमार बस्नेत, शिवकुमार जोशी र शोभा ढकाल रहेका छन्।
मन्त्रालयका अनुसार बढुवा प्रक्रिया प्रचलित कानुनी व्यवस्था र कार्यसम्पादनको मूल्याङ्कनका आधारमा सम्पन्न गरिएको हो। अब औपचारिक प्रक्रिया पूरा भएपछि उनीहरूले उपसचिवको जिम्मेवारी सम्हाल्नेछन्।
बिज्ञापन
