काठमाडौं । सशस्त्र प्रहरी बलमा नायब महानिरीक्षक (डीआईजी) का ६ पद रिक्त भएका छन् । रिक्त पदमा बढुवाका लगि १४ एसएसपीबीच प्रतिस्पर्धा छ ।
बिज्ञापन
डीआईजीहरु कमल गिरी, शम्भु सुवेदी र कुलबिक्रम नेम्वाङले डीआइजीको पाँच वर्षे पदावधिका कारण बिहीबारदेखि अवकाश पाएसँगै ६ पद रिक्त भएका हुन्। यसअघि थप गरिएका तीन पदमा पनि बढुवा गरिएको छैन ।
बिज्ञापन
६ मध्ये एक पद कानून निर्देशनालयतर्फ र बाँकी ५ वटा प्रशासनतर्फ छन् । कानूनतर्फ एसएसपी युवराज अर्याल एक्लो दाबेदार हुन् । नाता पर्ने गृहमन्त्री ओमप्रकाश अर्याललाई प्रभावमा पारेर उनले आफ्नो लागि दरबन्दी थपेको आरोप लागेको छ ।
बिज्ञापन
त्यस्तै, प्रशासनतर्फ मात्र १३ जना एसएसपीबिच पाँच पदका लागि प्रतिस्पर्धा हुनेछ। जसमा प्रबीण कँडेल, दिगबिजय सुवेदी, भूपेन्द्र केसी, कमल तिउसिना, निरकृष्ण अधिकारी, सुधीरजंग थापा, किरण बस्नेत, माधव पौडेल, उद्धव न्यौपाने, राजेन्द्र खड्का, नरेन्द्र सेन, किरण डुंगाना र शंकर खनाल छन् ।उनीहरुमध्ये पहिलो नम्बरमा रहेका कँडेल नेपाल प्रहरीबाट स्थानान्तरण भएर आएको र कार्यसम्पादन पनि कमजोर रहेकाले उनको सम्भावना न्यून छ । बाँकी १२ जना सशस्त्र प्रहरीको सिंस २ का अधिकृत हुन्।यो ब्याचका दीपेन्द्र कुँवर र विष्णु भट्ट गत वर्ष नै डीआइजी भइसकेका छन् । यसपटक चुनावी सरकार भएकाले कार्यसम्पादनको निष्पक्षता हेरेर बढुवा हुने सम्भावना छ । यद्यपी केही एसएसपीहरु भने बढुवाको दौडधुपमा लागिसकेका छन् ।
