काठमाडौँ । अख्तियार दुरुपयोग अनुसन्धान आयोगले पोखरा अन्तर्राष्ट्रिय विमानस्थल निर्माण आयोजनाका तत्कालीन प्रमुख बिनेश मुनकर्मीमाथि गैरकानुनी रूपमा सम्पत्ति आर्जन गरेको आरोप लगाउँदै विशेष अदालतमा भ्रष्टाचार मुद्दा दायर गरेको छ।
बिज्ञापन
आयोगका अनुसार मुनकर्मीले पदको दुरुपयोग गरी आफ्नो वैधानिक आम्दानीसँग मेल नखाने रूपमा ठूलो परिमाणमा सम्पत्ति आर्जन गरेको प्रारम्भिक अनुसन्धानबाट देखिएको छ। सोही आधारमा मङ्गलबार विशेष अदालत काठमाडौँमा मुद्दा दर्ता गरिएको हो। विशेष अदालतका सूचना अधिकारी यज्ञराज रेग्मीले आयोगबाट अभियोग पत्र दर्ता भएको पुष्टि गरेका छन्।
बिज्ञापन
अख्तियारले सार्वजनिक पदमा रहँदा आर्जन हुने सम्पत्तिको पारदर्शिता र जवाफदेहितालाई आधार मानेर अनुसन्धान अघि बढाइएको जनाएको छ।
बिज्ञापन
