अध्यागमन विभागका महानिर्देशक रामचन्द्र तिवारीले देशमा आउने विदेशीहरु प्रति कडा निगरानी आवश्यक भएको बताए। शुक्रबार आयोजित अध्यागमन ऐन, २०४९ र सम्बद्ध नियमावली सम्वन्धी छलफलमा तिवारीले भन्नुभयो — “विभिन्न स्वार्थका लागि विदेशीहरू नेपाल प्रवेश गरेर चलखेल गर्न सक्छन्, निगरानी नहुँदा राष्ट्र कमजोर हुन्छ।”
बिज्ञापन
उहाँले विदेशीहरुको आगमन र उद्देश्यबारे समग्र निरीक्षण गर्न विशेषज्ञ समूह बनाउने प्रस्ताव उठाउनुभयो र सिंहदरबार जस्ता संवेदनशील क्षेत्रहरुमा पनि निगरानीको अभाव रहेकोमा असन्तुष्टि व्यक्त गर्नुभयो।
अध्यागमन सुधार (रिफर्म) कार्य तीव्र गतिमा अघि बढाएको र मन्त्रिपरिषद्ले निर्णय गरेपछि छिट्टै परिणाम देखिने उहाँको दावी छ। अहिले विभागले अन्य ५–७ एजेन्सीसँग सिस्टम जोड्ने काम गरिरहेको र सीमित जनशक्ति हुँदा आन्तरिक स्रोत उपयोग गरी आईटी ल्याब बनाएर दैनिक सुधार गरिरहेको जानकारी तिवारीले दिनुभयो।
बिज्ञापन
पूर्वमुख्यसचिव शंकरदास बैरागीले हालको ऐन पुरानो रहेको र प्रविधि, राष्ट्रिय सुरक्षा तथा भिसा व्यवस्थालाई समेटेर नयाँ कानून आवश्यक रहेको बताउनुभयो। उहाँले अध्यागमनमार्फत रोजगारी नियन्त्रण गर्न खोज्नु गलत भएको र रोजगारसम्बन्धी नीतिहरू अलग विषय बनेर सरकार र समितिले विचार गर्नुपर्ने सुझाउनुभयो।
समितिको छलफलमा पूर्वसंसद सदस्य खिमलाल देवकोटाले राज्य सञ्चालनसँग जोडिएका संवेदनशील कामहरूलाई कानुनी भेंसन दिनुपर्ने र अध्यागमन क्षेत्रमा कसरी व्यवहारिक सुधार ल्याउने भन्नेबारे गहन बहस आवश्यक रहेको जोड दिनुभयो।
बिज्ञापन
