संघीय मामिला तथा सामान्य प्रशासन मन्त्रालयले १५ शाखा अधिकृतहरुको सरुवा गरेको छ । मन्त्रालयले सुव्वा तहका एक कर्मचारीको सरुवा,र अर्काे एकको पदस्थापन गरी १७ जना कर्मचारीको सरुवा तथा पदस्थापनको सूची सार्वजनिक गरेको हो ।
बिज्ञापन
सरुवाको सूची अनुसार प्रशासनतर्फका ६,प्राविधिक सेवा तर्फका ९ गरी १५ जना शाखा अधिकृतहरुको सरुवा गरेको हो । मन्त्रालयले ३० असोजको निर्णय अनुसार प्रशासन र प्राविधिक सेवाका कर्मचारीहरुको सरुवा गरेको हो ।
बिज्ञापन
सरुवाको सूची अनुसार जितेन्द्र कुमार पासवान जिप्रका सप्तरीबाट अख्तियारमा पुगेका छन् भने रुका भट्टराई प्रदेश प्रमुखको कार्यालय,लुम्बिनीबाट अख्तियारमा पुगेकी छिन । यस्तै नवराज भण्डारी,बाबुराम न्यौपाने र मणिराज पौडेल अख्तियार,वुटवल कार्यालयबाट गृहमा इन्ट्री भएका छन् । कपिल ज्ञवाली र सुदिप कोइराला अख्तियारबाट भूमि मन्त्रालयमा सरुवा हुँदा भूमि मन्त्रालयमा कार्यरत रहेका नरेश विष्ट,नापी कार्यालय दाङबाट मोहन बञ्जाडे,नापी कार्यालय बेलवारी मोरङबाट बाशुदेव भण्डारी पनि अख्तियार पुगेका छन् ।
यस्तै नापी कार्यालय कैलालीबाट चित्र प्रकाश जोशी,नापी कार्यालय पाल्पाबाट अर्जुन पौडेल,राष्ट्रिय प्राकृतिक स्रोत तथा वित्त आयोगमा कार्यरत कम्युटर इञ्जिनियर पनि अख्तियार पुगेका छन् । यस्तै जिल्ला सरकारी वकिलको कार्यलयमा कार्यरत रहेका नासु दिपक न्यौपाने पनि अख्तियारमा पुगेका छन् ।
सरुवाको सूची अनुसार,आशिष थापा अख्तियारबाट राष्ट्रिय प्राकृतिक स्रोत तथा वित्त आयोग,जुवालदास राई युवा तथा खेलकुद मन्त्रालयमा सरुवा भएका छन् ।
बिज्ञापन
