सम्पत्ति शुद्धीकरण अनुसन्धान विभागको महानिर्देशकको जिम्मेवारी गजेन्द्रकुमार ठाकुरलाई दिइएको छ। फूलपातीको अघिल्लो दिन बसेको मन्त्रिपरिषद्को बैठकले सात जना सहसचिवहरुको सरुवा गर्दा ठाकुरलाई अर्थ मन्त्रालयमा लगिएको थियो ।
बिज्ञापन
गत असोज १२ मा बसेको क्याविनेटले सहसचिव तीर्थ भट्टराई र छवि रिजाललाई सामान्यको बरण्डामा थन्काउँदा सामान्यबाट रुद्रसिंह तामाङलाई कुलमान घिसिङले कमाण्ड गरिरहेको ऊर्जा मन्त्रालयमा लगिएको छ भने कुलमानलाई कासमूमा शून्य अंक दिनेमध्येका एक शम्भुप्रसाद मरासिनीलाई उद्योग मन्त्रालय, सञ्चारका प्रवक्ता गजेन्द्रकुमार ठाकुरलाई अर्थ मन्त्रालयमा लगिएको थियो । यस्तै सा्े सरुवामा जीवलाल भुसाललाई कृषि मन्त्रालय र छविन्द्र पराजुलीलाई सञ्चार तथा सूचना प्रविधि मन्त्रालयमा सरुवा गरिएको थियो ।
बिज्ञापन
अर्थ मन्त्रालय मातहत पठाइएका ठाकुरलाई सम्पत्ति शुद्धीकरण अनुसन्धान विभागको महानिर्देशकको जिम्मेवारी दिएर पठाइएको हो । यस अघि झण्डै आठ बर्ष यो विभाग प्रधानमन्त्री कार्यालय मातहत रहेको थियो । सुशीला कार्की अन्तरिम सरकारको प्रधानमन्त्री बनेसँगै सम्पत्ति शुद्धीकरण र राजश्व अनुसन्धान विभागलाई अर्थ र गृह मातहत राष्ट्रिय अनुसन्धान विभागलाई ल्याइएको थियो ।
यस अघि सम्पत्ति शुद्धीकरणमा रहेका सुमन दाहाल अर्थ मन्त्रालयमा सरुवा भएसँगै रिक्त रहेको उक्त विभागमा ठाकुरलाई खटाइएको हो ।
बिज्ञापन
