काठमाडौं । नेपाली कांग्रेस सभापति तथा पूर्वप्रधानमन्त्री शेरबहादुर देउवाका परिवारमाथि प्रहरीले चासो बढाएको छ । यही क्रममा देउवाका साला भूषण राणाको जावलाखेलस्थित निवासमा सोमबार साँझ प्रहरीको विशेष टोलीले छापा मारेको हो।
बिज्ञापन
बिज्ञापन
केन्द्रीय अनुसन्धान ब्युरो (सीआईबी) को टोली र स्थानीय प्रहरी परिचालन गरेर गरिएको उक्त अपरेसनमा घर वरपर घेराबन्दी गरी सामानहरूको खोजतलासी गरिएको स्रोतले जनाएको छ।
बिज्ञापन
भूषण राणा पूर्वप्रधानमन्त्री देउवाका साला मात्र होइन, निवर्तमान परराष्ट्रमन्त्री डा. आरजु राणा देउवाका सहोदर दाजु पनि हुन्। आरजु राणासँग निकट सम्बन्धित कतिपय व्यवसायिक तथा राजनीतिक डिलमा भूषणको प्रत्यक्ष संलग्नता रहेको आरोप यदाकदा उठ्ने गरेको छ।
गोप्य सूचना फेला पर्न सक्ने सम्भावना देखेपछि प्रहरीले छापा मारिएको बताइएको छ। तर, छापामा के–के सामग्री बरामद भए भन्ने विषय सार्वजनिक गरिएको छैन।
