अर्थ मन्त्रालयले नेपाल बीमा प्राधिकरणबाट पदमुक्त भएका शरद ओझालाई प्राधिकरणमा अध्यक्षको रूपमा हाजिर नगर्न वा नगराउन भन्दै पत्र काटेको छ । थप निर्णय नहुँदासम्मका लागि हाजिर नगर्न भन्दै बिहीबार प्राधिकरणलाई पत्र पठाएको मन्त्रालयले जनाएको छ ।
बिज्ञापन
मन्त्रालयले काटेको पत्रमा भनिएको छ, शरद ओझाको पुनर्वहाली सम्बन्धमा हालसम्म कुनै निर्णय नभएकोले के कुन आधारमा उनलाइ पदबहाली गराइएको हो सोको आधार र कारण खुलाई पठाउन तथा पुनर्वहाली गर्ने निर्णय नभएसम्म अध्यक्षको पदमा हाजिर गराउने सम्बन्धी कुनै कार्य नगर्नु नगराउनु हुन मिति २०७२।६।२ को निर्णय अनुसार अनुरोध गरिएको छ ।
बिज्ञापन
अर्थ मन्त्रालयको पत्रमा ओझाले अध्यक्षको रुपमा २०८२ भदौ ३१ गते हाजिर गरेको भन्ने जानकारी आएको तर मन्त्रालले २०८२ भदौ २ गतेनै पदमुक्त गरेको हुनाले के कति कारणले प्राधिकरणमा हाजिर भएको खुलाइ पठाउन समेत बीमा प्राधिकरणलाई भनेको हो ।
ओझालाई अर्थमन्त्रालयले १३ फागुन २०८१ प्राधिकरणको अध्यक्ष नियुक्त गरेको थियो । तर, उनले फर्जी कागजपत्र पेश गरेको भन्दै अदालतमा रिट परेपछि मन्त्रालयले उनलाई ३० असार २०८२ निलम्बन गरेको थियो भने गत २ भदौ ०८१ मा बर्खास्त गरेको थियो ।
बिज्ञापन
प्राधिकरणको नियुक्ति प्रक्रियामा अनुभवको फर्जी कागजपत्र बुझाएको भन्दै मन्त्रालयले अध्यक्ष ओझालाई गत २०८२ असार ३० गते निलम्बन गरेको थियो । ओझा निलम्बनमा परेपछि मन्त्रालयका सह सचिव सेवन्तक प्रोख्रेलललाई प्राधिकरणको अध्यक्षको जिम्मेवारी दिइएको थियो ।
