मुलुकमा विकशित पछिल्लो घटनाक्रमको फाइदा उठाँउदै केन्द्रीय कारागारबाट फरार भएका कैदीबन्दीहरुमध्ये पूर्व मन्त्री र पूर्व सचिवसहितका केही कैदी बन्दीहरुले आफू कारागार फर्कन तयार रहेको सन्देश पठाएका छन् ।
बिज्ञापन
कारागार व्यवस्था विभागका अनुसार काठमाडौँको सुन्धारास्थित केन्द्रीय कारागार (जगन्नाथदेवल) तोडफोड गरी पूर्वमन्त्री टोपबहादुर रायमाझी, पूर्वगृह सचिव टेकनारायण पाण्डेसहित तीन हजार ४५० कैदी फरार भएका थिए । तिनैमध्येका पूर्व गृह सचिव पाण्डे र मन्त्री रायमाझीले आफू मुलुकको जुनकुनै कारागारमा फर्कन तयार रहेको सन्देश प्रहरी र कारागार प्रशासनलाई दिएका हुन ।यस्तो सन्देश पठाउने दुबै नक्कली भुटानी शरणार्थी प्रकरणमा काराबासमा छन् ।
बिज्ञापन
हिजो केन्द्रीय कारागारबाट उनीसहित टोपबहादुर रायमाझी,चुणामणि उप्रेती गोरे लगायत ३३ सय कैदीबन्दीहरु फरार भएका थिए । यसरी फरार भएकामध्ये पूर्व गृहसचिव पाण्डे र पूर्वमन्त्री रायमाझीले आफू कारागार फर्कन तयार रहेको बताएका कारागार प्रशासनले जनाएको छ । केन्द्रीय कारागार सुन्धारामा ३८ सय कैदीबन्दी रहेकोमा ३३ सय कैदीबन्दी फरार रहेको कारागार प्रशासनले जनाएको छ ।
विभागका अनुसार हालसम्म ११ हजार ५०५ जना कैदीबन्दी विभिन्न जेल तोडेर फरार भएका छन् । सुनसरीको झुम्का कारागारबाट मात्र एक हजार ५७२, नख्खु कारागारबाट एक हजार २७२ जना,जलेश्वरबाट भागे ५७२,गौरबाट २२९ कैदी फरार फरार भएका थिए । यसरी फरार भएकामध्ये दाङ तुलसीपुरबाट फरार भएका २५३ फरारमध्ये ४० नियन्त्रणमा लिइएको छ भने कपिलवस्तुबाट ४३५ फरार ५९, सप्तरीको गेट तोडेर फरार भएका कैदीमध्ये २४ जनालाई प्रहरीले पक्राउ गरेको जनाइएको छ ।
बिज्ञापन
