गण्डकी प्रदेश सरकारले थप ३ सयभन्दा धेरै कर्मचारीको दरबन्दी कटौती गरेको छ । गण्डकी प्रदेश मन्त्रिपरिषद्को आइतबार बसेको बैठकले नयाँ ओएनएम सर्वेक्षण पारित गरेसँगै थप तीन सय कर्मचारी कटौती हुने भएका हुन ।
बिज्ञापन
यस अघि खर्च कटौती गर्न भन्दै गण्डकी प्रदेश सरकारले ७ निर्देशनालयसहित खारेज गरेको थियो । यस्तै सरकारले ३२ वटा निकायहरूलाई भाभेर १७ वटा १७ वटामा झार्दा कार्यालय खारेज र गाभ्दा १ सय ८५ जना कर्मचारीको दरबन्दी कटौती भएको गण्डकी प्रदेश सरकारले जनाएको थियो ।
बिज्ञापन
यस अघि १८५ कर्मचारी कटौती हुँदा अधिकृतस्तरका ४१, सहायकस्तरका ९६ र श्रेणीविहीन ४८ कर्मचारीको दरबन्दी कटौती भएको थियो ।
संरचना र दरबन्दी खारेज गर्दै मन्त्रिपरिषदको बैठकले १ महिनाभित्र नयाँ संगठन तथा व्यवस्थापन (ओएनएम) सर्वेक्षण गर्ने निर्णय अनुसार हिजो बसेको मन्त्रिपरिषद्को बैठकले बैठकले ओएनएम पारित गरे सँगै तीन सय थप कर्मचारीको दरबन्दी कटौती हुने जनाइएको छ ।
बिज्ञापन
संघीय सरकारबाट २ हजार ६७९ जनाको कर्मचारी दरबन्दी स्वीकृत भए पनि गण्डकीमा करिब ३२ सय दरबन्दी पुर्याइएको छ । मुख्यमन्त्री पाण्डेले ४ सय ८५ जना कर्मचारीको दरबन्दी कटौती गरेका छन् ।
