महालेखा नियन्त्रण कार्यालयले करिब ३ सय हाराहारी कर्मचारीहरूको सरुवा गरे पनि त्यसलाई सार्वजनिक नगरेको खुलासा भएको छ । पछिल्लो समय सरकारी निकायहरूले सरुवा प्रक्रियामा पारदर्शिता कायम नगरी गोप्य रूपमा लुकाउने प्रवृत्ति बढ्दै गएकोमा महालेखा पनि त्यही बाटो अँगालेको देखिएको छ।
बिज्ञापन
बिज्ञापन
स्रोतका अनुसार महालेखाले लेखापाल, लेखा अधिकृतदेखि उपसचिव तहसम्मका कर्मचारीहरूको सरुवा गरेको छ । तर, नामावली सार्वजनिक गर्ने औपचारिक प्रक्रिया पुरा नगरी आन्तरिक बार्गेनिङमै सीमित राखिएको छ ।
बिज्ञापन
करिब ३ सय हाराहारीमा गरिएको सरुवामा ६० साले लेखा अधिकृतहरूको ठूलो भूमिका रहेको उच्च स्रोतले जनाएको छ। उनीहरूले आफ्ना स्वार्थअनुसार सरुवामा प्रभाव जमाएको आरोपसमेत छ ।
यस्तो गुपचुप सरुवाले पारदर्शिता र निष्पक्षतामाथि प्रश्न उठाएको छ। सरुवा प्रक्रियामा हुने बार्गेनिङ र गुटगत चलखेलका कारण महालेखाको विश्वसनीयता नै खस्किने खतरा देखिएको सरोकारवालाहरूको भनाइ छ।
