संघीय मामिला तथा सामान्य प्रशासन मन्त्रालयले फेरि ठूला संख्यामा कर्मचारी सरुवा गरेको छ। सोमबार मन्त्रालयले २५ जना उपसचिव र ४४ जना शाखा अधिकृतसहित ६९ जना कर्मचारीको सरुवा गरेको हो।
बिज्ञापन
मन्त्रालयको निर्णयअनुसार सरुवा भएका उपसचिव र शाखा अधिकृतलाई स्थानीय तहमा प्रमुख प्रशासकीय अधिकृतका रूपमा पठाइएको छ भने हाल स्थानीय तहमा कार्यरत प्रमुख प्रशासकीय अधिकृतलाई विभिन्न मन्त्रालय र निकायमा समायोजन गरिएको छ।
बिज्ञापन
यद्यपि, मन्त्रालयले कर्मचारी सरुवालाई व्यवस्थित बनाउन महिनामा दुई पटक — प्रत्येक महिना १ गते र १५ गते मात्र सरुवा गर्ने व्यवस्था लागू गर्ने निर्णय गरे पनि सो नियम व्यवहारमा अझै प्रभावकारी हुन सकेको छैन।
कर्मचारी प्रशासनमा निरन्तर हुने सरुवाले स्थायित्वमा प्रश्न उठाउँदै आएको समयमा एकैपटक ठूलो संख्यामा गरिएको यो सरुवाले फेरि प्रशासनिक व्यवस्थापनको बहसलाई चर्काउने देखिएको छ।
बिज्ञापन
