अन्तत लामो छलफलपछि ‘कुलिङ अफ पिरियड’मा भएको चलखेलसम्बन्धी संसदीय विशेष समितिको प्रतिवेदन पास भएको छ ।
बिज्ञापन
सङ्घीय निजामती सेवासम्बन्धी विधेयकमा कुलिङ अफ पिरियडको व्यवस्था खण्डित हुने प्रावधान किन र कसरी राखियो भन्नेबारे छानबिन गर्न गठित समितिले मंगलबार बिहान ४ बजे प्रतिवेदन सर्वसम्मत पास गरेको हो ।
बिज्ञापन
२१ दिनको समय पाएको समितिलाई ७ दिनको समय थपेर १९ साउनसम्मको समय दिइएको थियो । त्यो म्याद आइतबार सकिए पनि समितिले मंगलबार बिहान मात्रै सहमति जुटाएको हो ।
कांग्रेस सहमहामन्त्री जीवन परियार सभापतित्वको समितिमा कांग्रेस सांसद सुशीला थिङ, एमालेका सांसदहरू नारायणप्रसाद आचार्य र ईश्वरी घर्ती, माओवादी सांसद माधव सापकोटा, रास्वपा सांसद गणेश पराजुली र राप्रपा सांसद रोशन कार्की सदस्य रहेका छन् ।
बिज्ञापन
कुलिङ अफ पिरियडमा भएको छेडखानीमा काँग्रेस सांसदहरुले सभापति रामहरि खतिवडालाई दोषी किटान गर्नु नहुने र एमालेका सांसदहरुले मुख्य सचिव र संसदका महासचिव र सचिवहरुलाई दोषी किटान गर्न नहुने अडान राख्दै आएपछि समितिले प्रतिवेदनलाई अन्तिम रुप दिन सकेको थिएन । हिजो दिनभर चलेको छलफलमा समेत सत्ता पक्ष सांसदहरु टस मस नभएपछि प्रतिपक्षबाट प्रतिनिधित्व गरिरहेका तीन जना सांसदहरुले राजनीतिक नेतृत्वले नैतिक जिम्मेवारी लिनुपर्ने र मुख्यसचिव सहित उच्च पदस्थ कर्मचारीले पदीय आचरण अनुकुल कार्य नगरेको किटान गर्नुपर्ने दुँइ बुँदा राखेर निस्किएका थिए ।
हिजो साँझ सात बजे बसेको बैठक लामो रस्साकस्सी पछि बिहान ४ बजे सहमति जुटेको र सर्वसहमतबाट समितिबाट प्रतिवेदन पास भएको जनाइएको छ । कुलिङ अफ पिरियडको प्रावधान निष्क्रिय पार्नमा प्रत्यक्ष जिम्मेवारीमा रहेकाहरू र त्यसलाई निष्क्रिय पार्न परोक्ष भूमिका खेल्नेहरूलाई जवाफदेही बनाउने गरी सहमति जुटेसँगै सातै जनाले हस्ताक्षर गरसँगै बिहान चार बजे प्रतिवेदन प्रतिवेदन सर्वसम्मत पास गरिएको हो ।
