संघीय मामिला तथा सामान्य प्रशासन मन्त्रालयले नेपाल इन्जिनियरिङ सेवाका राजपत्रांकित तृतीय श्रेणीका अधिकृतहरूलाई विभिन्न जिल्ला समन्वय समितिमा सरुवा गरेको छ। लोक सेवा आयोगको सिफारिसमा नियुक्त भएका इन्जिनियरहरूलाई मन्त्रालयको २०८२ साल साउन १९ गतेको निर्णयअनुसार नयाँ जिम्मेवारीमा खटाइएको हो।
बिज्ञापन
सरुवा गरिएका इन्जिनियरहरू नेपाल इन्जिनियरिङ सेवा अन्तर्गतका विभिन्न समूह तथा जनरल उपसमूहका हुन्। ती इन्जिनियरहरू मन्त्रालयको अतिरिक्त समूहमा कार्यरत थिए।
बिज्ञापन
संघीय शासन प्रणालीमा समन्वयात्मक कार्यसम्पादन मजबुत पार्न जिल्लास्तरका संरचनालाई प्राविधिक जनशक्ति प्रदान गर्ने उद्देश्यसहित उनीहरूलाई जिल्ला समन्वय समितिहरूमा पठाइएको मन्त्रालय स्रोतले जनाएको छ।
मन्त्रालयले सरुवा विवरणसहितको आधिकारिक सूची चाँडै सार्वजनिक गर्ने तयारी गरिरहेको छ।
बिज्ञापन
