नेपालमा भिजिट भिसा प्रकरण बाहिरिएपछि नेपालीलाई बेच्ने काम भारतको दिल्ली एयरपोर्टदेखि शुरु हुन थालेको भेटिएको छ । यसरी भिजिट भिसामा जाने ४७ जना महिला फिर्ता भएका छन् । भारतको राजधानी नयाँ दिल्लीस्थित अन्तरराष्ट्रिय विमानस्थलबाट भिजिट भिसामा कुवेत जान लागेको ४७ जना नेपाली महिलाहरूलाई नेपाल फर्काइएको छ ।
बिज्ञापन
पछिल्लो समय दिल्लीबाट भिजिट भिसामा जानका लागि एनओसी (नो अब्जेक्सन लेटर) प्रयोग गरी भिजिट भिसा धन्दा चलाइन थालेको जनाइन्छ । यसरी जान लागेका ४७ महिलाहरु एनओसीबिना कुवेत जान लागेका महिलाहरूलाई दिल्लीस्थित नेपाली दूतावाससितको समन्वयमा नियन्त्रणमा लिई स्थलमार्ग हुँदै हिजो राती नेपाल फर्काइएको हो ।
जानकारहरुका अनुसार,पछिल्लो समय भिजिट भिसामा दिल्ली एयरपोर्ट प्रयोग गर्न खोजिएको र त्यहाँबाट जानका लागि एनओसी (नो अब्जेक्सन लेटर) प्रयोग गर्ने गरिएको र त्यस्ता पत्र सक्कली हुन् कि नक्कली हुन् भनेर खुट्याउन थालिएको छैन ।
बिज्ञापन
यसरी जानेले दिल्लीस्थित नेपाली दूतावासका नाममा नक्कली एनओसी बनाउने गरेको दाबी स्रोतको छ । भिजिट भिसामा जाने व्यक्तिले लाने प्रमाण पनि र नक्कली पत्रको कुनै प्रतिलिपि वा डुप्लिकेट पनि नहुने भएकाले मुद्दाका लागि कुनै प्रमाण बाँकी नरहने अवस्था रहेको जनाइन्छ । यसै कारण भिजिट भिसामा मान्छे पठाउन सहज हुँदै आएको दावी स्रोतको छ ।
अध्यागमनको काम भनेको भिजिट भिसामा जाने विशेष गरी महिला कालोसूचीमा परेको हो कि होइन, ऊसँग अनुमति पत्र छ छैन भन्ने मात्रै जाँचबुझ र सोधपुछ गर्ने हो । शरीर खानतलासी गर्ने कुरा भएन । नेपालको एयरपोर्टमा अनेक फत्तुर हाल्दै दुःख दिएर पैसा असुलेपछि मात्रै विदेश जान दिने चलन बस्यो । यसैकारण धेरै नेपाली महिला भारत हुँदै स्थलमार्गबाट विदेश जान थाले । र, त्यसरी गएका महिलाको रेकर्ड नेपालसँग छैन । नेपाल सरकारले राजश्व पनि प्राप्त गर्न सकेको देखिन्न ।
बिज्ञापन
यसैकारण फ्लाई दुबई, जजिरा, नेपाल एयरलाइन्स, हिमालय एयरलाइन्सबाट यात्रा गर्ने यात्रुको संख्यामा निकै कमी भएको छ । पहिला–पहिला यी विमानका पूरै सिट भरिन्थे भने अहिले मुस्किलले ४० देखि ५० प्रतिशत सिट मात्रै बिक्ने गरेको स्रोतको दावा ट । खाली सिटका कारण सोध भर्ना गर्दै उडान गर्नुपर्दा अन्य यात्रुलाई आर्थिक भार र मार परेको अवस्था छ ।
अहिले नेपालबाट विदेश जानेहरूलाई सरकारले चाहेर पनि रोक्न सक्ने अवस्था छैन । संसार नै एउटा ग्लोबल भिलेजको रूपमा आएको छ । तसर्थ भिजिट भिसा होस् कि कामदार भिसा विदेश जानेलाई रोकतोक गर्नुभन्दा पूर्ण रूपमा खुलेआम स्पष्ट कारण खुलाएर जान दिने व्यवस्था गर्नुपर्ने राय विश्लेषकहरुको छ ।
