चितवनको भरतपुर महानगरपालिका–१६ स्थित नारायणी नदीमा पौडी खेल्ने क्रममा डुबेर बेपत्ता भएका एक बालकको शव सशस्त्र प्रहरीले फेला पारेको छ।
बिज्ञापन
शुक्रबार दिउँसो करिब ३:४५ बजे भरतपुर–१५ सूर्यनगर बस्ने १४/१५ वर्षीय मेनसन पुन मगर नारायणी नदीको किनारमा जमेको पानीमा पौडी खेल्ने क्रममा डुबेर बेपत्ता भएका थिए। घटनाको जानकारी प्राप्त हुनासाथ सशस्त्र प्रहरी बल नेपाल नं. १७ गण हेक्वा चितवनबाट सप्रसनि लोकेन्द्र भट्टको कमाण्डमा ९ जनाको विशेष टोली घटनास्थलतर्फ खटिएको थियो। टोलीमा दुई जना डाइभिङ मेम्बर र छ जना गोताखोरसमेत थिए।
बिज्ञापन
टोली ३:५५ बजे घटनास्थलमा पुगेर खोजी कार्य सुरु गरेको थियो। करीब २०–२५ फिट गहिराइमा खोजतलास जारी राख्दै जाँदा दिउँसो ४:५५ बजे बालकको शव फेला पारिएको सशस्त्र प्रहरीले जनाएको छ।
सशस्त्र प्रहरीको सक्रियता र तत्कालीन उद्धार प्रयासबाट घटनापछि थप क्षति हुन नपाएको जनाइएको छ। यसअघि पनि नदीमा ज्यान गुमाउने घटनाहरू भइरहेकाले सशस्त्र प्रहरीले जनतालाई नदी वा खोलामा पौडी खेल्दा विशेष सतर्कता अपनाउन अनुरोध गरेको छ।
बिज्ञापन
