वरिष्ठ संस्कृतिविद तथा साहित्यकार रत्नप्रसाद अनामणी भूमिका लेखनमा पनि सक्रिय छन् । दर्जनौं पुस्तकमा भुमिका लेखिसकेका अनामणीले भूमिकाहरूको सानो पुस्तिका नै प्रकाशित गरेका छन् – अनामणिका भूमिकाहरु भाग १।
बिज्ञापन
उनी भूमिकाबारे आफ्नो लेखकीयमा लेख्छन् – `विशेष गरेर सर्जकको कृतिको सामान्य परिचय , थोरै उहाँहरूको विशेषताहरू , मननयोग्य र सान्दर्भिक प्रसङ्गबारे थोरै शब्दमा भूमिका लेखिदिएको छु ।´( अनामणिका भूमिकाहरू भाग १ पृष्ठ ४ ) उनको स्विकारोक्तिले पनि पुष्टि गर्छन् , उनले धेरै जस्तो शुभकामना र शुभेच्छालाई यस् पुस्तकमा स्थान दिएका छन् । छोटा र चोटीला शुभेच्छाहरूले पुस्तकलाई पढनीय बनाएको छ । एउटा सानो र एकै बसाइँमा पढिसकिने पुस्तक छ ।
बिज्ञापन
नेपालमा भुमिका लेखनको परम्परा लामो समय अभ्यास गरिदै आएको छ । आधुनिक र आधुनिक पुर्वका साहित्यमा भुमिका परम्पराले स्थान पाएका छन् । त्यसमा समालोचना चेतका रत्न अनामणी पनि थपिएका छन् । उनले आफ्नो भूमिकालाई थोरै शब्द लेखेपनी त्यो रोचक भएको छ ।
उपन्यास रोजीबारे अनामणी लेख्छन् – ` कुनै पनि कथानक अगाडि बढनका निम्ति चरीत्र उपस्थिति अनिवार्य हुन्छ । तिनै चरित्रलाई वातावरण , भाषा , शैली , उदेश्य अनुरूप विभिन्न मोडहरू सिर्जना गरी उपन्यासलाई जिवन्तता दिइन्छ । यहाँ सर्जक विकास बाबु थापाले यस रोजी उपन्यासलाई यिनै मुख्य कुराहरू विशेष ध्यान दिई बडो मेहनतका साथ चलाखीपूर्व तरिकाले उपन्यास तयार पारेका छन् ।´ ´( अनामणिका भूमिकाहरू भाग १ पेज २२)
बिज्ञापन
यसरी बिधाको सैद्धान्तिक मान्यतालाई जोडेर भूमिकाकारले प्रायः भूमिकाहरू तयार पारेका छन् । जम्मा ४८ पेजको यस सानो पुस्तिकामा अनामणिले साहित्यका अनेकौं बिधाहरूको सैद्धान्तिक मान्यता र मनको भावनालाई समेटेर शुभकामना दिने ढंगका भुमिकाहरू तयार गरेको देखिन्छ । बीस जना सर्जक फरक फरक पुस्तकमा लेखिएका भुमिका एकै ठाउँमा पढने वातावरण यो पुस्तक मार्फत बनेको छ ।
आगामी दिनमा पनि यस्तै भुमिकाको अर्को भाग पनि प्रकाशित होस लेखकलाई शुभकामना छ
