कोपिला फूल हुँदै झपक्क, फलेको देखे
के रहेछ र जिन्दगी चितामा, जलेको देखे
बिज्ञापन
पाखुरीमा बल छउन्जेल हो सबको प्रिय हुने
पंख टुटेर पन्छी भुइँमा ढलेको देखे
बिज्ञापन
भएन कसैको नि सोचे जस्तो जिन्दगी
अभावै अभावमा जीवन चलेको देखेँ
कोही आयु पुगेर जान्छन् कोही अकाल मर्छन्
विधिको विधानमा भावीले पनि छलेको देखेँ
बिज्ञापन
सारा जीव प्राणी अमर हैन रहेछन्।
माटोमै हुर्की माटोमै फेरि गलेको देखे
नाशवान शरीर यो केवल आत्मा अम्मर
शरीर भित्रै आत्मा दीप, बलेको देखे
