मुक्तक १
सुख दुःख जिन्दगी हो रमाउनुपर्छ
केही पाउनलाई केही गुमाउनुपर्छ
भाग्यमा छ भन्दैमा खुसी आफै बर्सिदैन
खुसी हुनलाई पनि त पीडा लुकाउनुपर्छ।
बिज्ञापन
मुक्तक २
म हिँड्ने बाटोमा, बरु काँडा रोपी जाऊ
छिया छिया यो मुटुमा सियो खोपी जाऊ
जहाँ जानु छ जाउ,तिमी जान सक्छयौ
बिन्ती तिम्रै यादमा ढलेको यो लास छोपी जाऊ।
बिज्ञापन
मुक्तक ३
जनताको रगत चुसेर भुडी भर्दैछौ
मिलिजुली देश लुट्न सहर झर्दैछौं
अरे लाज नभ’का नकाचरो पापीहरू
आफ्नै आमालाई बलात्कार गर्दैछौ
मुक्तक ४
हत्केलाले घामलाई छेक्न सकिन्न
भाग्यको लेखा जो मेट्न सकिन्न
यहाँ जस्ले जति नै, मै हुँ भनेपनि
आखिर नमरी स्वर्ग, देख्न सकिन्न
बिज्ञापन
मुक्तक ५
थोरै हँसाए जस्तो गर्दै रुवाएर जान्छ
नयन भित्र पानी,लुकाएर जान्छ
यो कस्तो याद ,छोडेर गयो आमा
पलपल मन मुटु दुखाएर जान्छ।
